Каратунда гомер итүче Гаҗилә Аманова йортында кунаклар җыелды-аңа 90 яшь тулды. Юбилярны котлап, район башкарма комитеты җитәкчесе урынбасары Луиза Сафина аңа Россия Президентының Котлау телеграммасы, район башлыгы котлавы, чәчәк букеты һәм истәлекле бүләк тапшырды. Иркен, җылы өендә тыныч картлыгын каршылаган юбилярның туганнары һәм якыннары да Гаҗилә апаны бүләкләргә һәм матур теләкләргә күмде.
Апаста яшәүче Хәлимә әби Сәлахетдинова 90 яшьлек гомер бәйрәмен каршылды. Аңа олы юбилее уңаеннан Ил башлыгының Котлау хаты, район башлыгының Котлау открыткасы, бүләк һәм чәчәк бәйләме тапшырылды.
Бу уңайдан акъәби котлаулар кабул итте. Район башкарма комитеты җитәкчесе урынбасары Луиза Сафина Мәрьям әбине гомер бәйрәме белән тәбрик итеп, Ил башлыгының Котлау хатын, район башлыгының Котлау открыткасын тапшырып, чәчәк бәйләме бүләк итте
Коштавылында гомер кичерүче Нурания әби Насыйбуллина 90 яшьлек гомер бәйрәмен каршылады. Бу уңайдан аңа Ил башлыгының Котлау хаты, район башлыгының Котлау открыткасы, чәчәк бәйләме һәм бүләк тапшырылды. Район социаль яклау идарәсе җитәкчесе Гөлчәчәк Мәүлетова, Коштавылы авыл җирлеге башлыгы Хөҗҗәт Сабиров акъәбине гомер бәйрәме белән тәбрик итеп, изге теләкләрен юллады.
Гакифә әби күркәм юбилее уңаеннан Ил башлыгының Котлау хатына, район башлыгының Котлау открыткасы, чәчәк бәйләме һәм бүләгенә ия булды. Район башкарма комитеты җитәкчесе урынбасары Луиза Сафина, авыл җирлеге башлыгы Физзәт Миңнуллин изге теләкләрен ирештерделәр.
Шыгай авылында яшәүче Бибизакирә әби Насыйбуллина 101 яшьлек гомер бәйрәмен каршылады. Акъәбигә район башлыгының котлаулары, бүләкләре, чәчәк бәйләме тапшырылды. Район башкарма комитеты җитәкчесе урынбасары Луиза Сафина, Сатмыш авыл җирлеге башлыгы Равилә Сибгатова иң изге теләкләрен юллап, тагын да озын гомерләр теләделәр.
Колгынадан Нурлыбәнәт әби Сафиуллина 101 яшьлеген каршылады. Аны гомер бәйрәме белән котларга район башлыгы Равил Хисаметдинов шәхсән үзе килде.
Бүгенге көндә районда 17 Бөек Ватан сугышы ветераны яши. Өлкәннәр көне уңаеннан һәрбер ветеранга күчтәнәч пакетлар тапшырылды. Район башлыгы Равил Хисаметдинов “Ак Барс” банк идарәсе җитәкчесе урынбасары Илфан Гобәйдуллин белән берлектә Югары Балтай авылында гомер итүче Бөек Ватан сугышы ветераннары Шәүкәт Хатыйпов һәм Хәлилрахман Фәйзрахмановларның өйләрендә булып, хәлләрен белешеп, күчтәнәч пакетлар тапшырдылар. Ветераннар әлеге кадер-хөрмәткә бик канәгать булып, изге теләкләрен, рәхмәтләрен җиткереп калдылар.
Әлмәндәрдә яшәүче Миңнебаян әби Абзаловага, 90 яшьлек олы юбилее уңаеннан, Ил башлыгының Котлау хаты, район башлыгының Котлау открыткасы, бүләк һәм чәчәк бәйләме тапшырылды. Районның социаль яклау идарәсе җитәкчесе Гөлчәчәк Мәүлетова, Әлмәндәр авыл җирлеге башлыгы Рамил Җәләлиев акъәбинең өендә булып, җылы котлауларын ирештерделәр. Миңнебаян әби бүгенге көндә кызы Рафия, онык-оныкчыклары янәшәсендә кадер-хасияттә гомер итә. Яшьлегендә ул күп авырлыклар күргән. “Бәхетем гомеремнең шушы чорына туры килгән икән. Хөрмәтем зур“, – ди ул.
Хәбибҗан ага Шәрифҗанов 90 яшьлек гомер бәйрәмен каршылады. Бу уңайдан аңа район башлыгының Котлау открыткасы, истәлекле бүләк һәм чәчәк бәйләме тапшырылды. Район башкарма комитеты җитәкчесе урынбасары Луиза Сафина, Каратун авылы җирлеге башлыгы Рамилә Сабирҗанова хөрмәтле Хәбибҗан аганы гомер бәйрәме белән котлап, изге теләкләрен җиткерде. Хәбибҗан ага гаиләсе белән ерак Төркмәнстан якларыннан кайтып төпләнә. - Апас яклары миңа оҗмах булып тоелды. Безне ачык йөз белән каршы алдылар. Авылдашларыбыз, күршеләребез белән дус һәм тату булып яшибез, - ди ул.
