Корпункт:
20 март көнне безнең районда тарихи вакыйга-республикакүләм «1941-1945 елгы сугыш хатлары» күргәзмәсенең ачылышы булачак. Бу чара “Тарихи хәтер” дигән проектның Бөек Ватан сугышы фронтыннан килгән хатларны халык күңелендә саклау, мәңгеләштерү максатыннан уздырыла. Ул 2017елның Хәтер көнендә башланып китте. Күргәзмә республикабызның һәр районында да уздырылачак, һәр районның хатларын күрсәтәчәк. Без бу күргәзмәне Саба районыннан эстафета итеп алып кайттык. Һәм иртәгә сезгә тәкъдим итәчәкбез. Ә инде 9 май Бөек җиңү көнендә бу күргәзмә Казанда тәмамланачак.