РАХМА́НОВ Хасыб (Хасый, Хасыйб) Фаиз улы 1909 елда Казан губернасы Тәтеш өязенең Иске Юмралы авылында (хәзер Апас р-н) туа. Бөек Ватан сугышы ветераны. 1937 елда педагогия институтын тәмамлап, сугышка кадәр ТАССРның Әлки районында укытучы булып эшли. 1941 елның 29 декабреннән Кызыл Армиядә, ТАССРның Әлки район хәрби комиссариатыннан чакырыла. 1942 елның мартыннан 1 нче Украина һәм 1 нче Белоруссия фронтларында сугыша. Гвардия сержант, телефон-кабель ротасы телефонисты. 2004 елда вафат.