Хөсәенов Миргарифан 1923 елда хәзерге Сарман районы Мортыш Тамак авылында туган. Сугыш башланган вакытта аңа 18 яшь була. Колхозда эшли. 19 яше тулгач, ул туган авылы Мортыштамак белән хушлашып “Я кайтырбыз, я кайтмабыз, сау булыгыз, туганнар!”, - дип җырлый-җырлый авылның бик күп лачындай ир-егетләре белән дошманга каршы сугышка китә. Хөсәенов Миргарифан каты бәрелешләр вакытында, Запорожье өлкәсендә 1943 елның 17 октябрендә туган ил өчен батырларча һәлак була. Кабере Запорожск өлкәсе Большой Такмак р-ны Войнау авылы янында урнашкан.