Агрызский

ГАЙСИН АХМАДУЛЛА ШАЙХЕЛАХМЕТОВИЧ

1927 нче елның 27 маенда Әгерҗе районы Шаршада авылында тудым. 7 еллык мәктәпне тәмамлау белән колхозда эшли башладым. Сугыш елларының авырлыгын үз җилкәмдә татыдым. Үгез дә җиктек, төннәрен сука да сукаладык. 17 яшем тулу белән сугышка алдылар. Өйрәнүләр үткәч, 53 нче укчылар укыту полк составында Көнбатыштан Украина фронтында хезмәт иттем. Безнең армия Кавказны азат итүдә катнашты. Җиңу көненнән соң да әле хәрби хезмәттә калдым. Туган авылыма 1950 нче елда гына әйләнеп кайттым. Тормыш иптәшем Кәүсәрия белән ике кыз һәм бер ул тәрбияләп үстердек.

МУХАМЕТДИНОВ ЗАРИФ МУХАМАТДИНОВИЧ

Сугыш башланганда миңа 18 яшьтә тулмаган иде әле. Мин ул вакытта Ижау шәһәренең 74 нче корал заводында эшкәртүче булып эшли идем. Без анда хәрби мылтыклар өчен детальләр ясый идек. Сугыш башлануның икенче көнендә үк заводның күп ирләрен фронтка алдылар. Яшүсмерләр һәм хатын-кызлар гына калды. Тәүлеккә икешәр смена эшли идек. Сменада 1200 әр деталь ясадык.

ЯППАРОВА РИММА ТАХИР КЫЗЫ

1939нчы елның Әгерҗе шәһәрендә туган. «Әтием сугышка киткәндә миңа әле 3 кенә яшь була. Туган йортыбыз ул чакта элекке «Авангард» кинотеатры янында иде. Ул йорт әле дә исән, аның яныңнан узганда мин хәзер дә дулкынланам, тамакка төер тыгыла. Әлеге йортта яшәгәндә кечкенә булсам да, тәрәзә каршыннан яшусмерләрнең рәт-рәт тезелеп, «Встравай, страна огромная!» дип җырлап узулары - бүген дә исемдә. Ул чакта мин бу җырның мәгънәсен аңламаганмын, әлбәттә.

ӘХТӘМ АБДРАХМАН УЛЫ ЯППАРОВ

1923нче елда Әгерҗе шәһәрендә туган. 1942нче елда сугышка китә. 620нче укчы полкында минометчы булып хезмәт итә. Смоленск шәһәрен фашистлардан азат иткән вакытта каты яраланып госпитальгә эләгә. 1944нче елның 16 марта госпитальдә һәлак була.

Subscribe to Агрызский