Атнинский

БӘЙРӘМОВ КАМИЛ

Безнең илебездә бер генә йортка да сугыш зыкымы тими калмагандыр. Кече Әтнә авылында гына туксаннан артык ир солтаны сугыш кырыннан әйләнеп кайтмады. Авылның “Җөлби очы” дип аталучы урамындагы 27 йорттан 25 әзмәвердәй ир- егет сугышның беренче айларында ук фронтка киттеләр. Шуларның 23е сугыш кырында мәңгегә ятып калды. Кайбер гаиләләр бер өйдән икешәр улларын озатты. Һәр өйдә диярлек өч - дүрт бала белән калган әниләребез көн-төн җиңү өчен дип эшләделәр. Аларның инде күбесе якты дөньядан китеп барды.

БӘРИЕВА ГӘЛИЯ ФӘЙЗИ КЫЗЫ

1927 елның 17 ноябрендә ТАССР – ның Әтнә районың Әтнә авылында туды. Гаиләдә ике бала иде (абыйсы). 7 еллык мәктәпне бетергәч, артельга эшләргә кергән. Анда алар оекбашлар, бияләйләр бәйләгәннәр һәм армиягә форма теккәннәр. 1949 елга кадәр Әтнәдә яшәгән. Кияүгә чыккач, 1952 елда ире белән Сабага күчәләр, чөнки ирен Саба райкомына эшлэргэ җибәрәләр. Шул елда аларның беренче баласы туа – Лидия кызы. 1956 елга кадәр эшләмәгән. 1960 елларда Пионерлар йортында эшли .Аннары мәктәптә “Домоводство” дәресләрен бирә. 1963 елда икенче баласы туа – Илдар улы.

ГАБИДУЛЛИНА РЕЗИДӘ

Мин – сугыш чоры баласы. Нәкъ сугыш башланган көнне - 1941 елның 22 июнендә Брянск өлкәсенең Дятьково шәһәрендә дөньяга килгәнмен.

ГАЙСИН ФЕРДИНАНТ

Мин- халык шагыйре Сибгат Хәкимгә очар өчен канат биргән Күлле Киме авылында 1941 нче елда тудым. Авылым тырыш, уңган, сәләтле вә талантлы кешеләре белән аерылып тора. Хәзер туган авылымнан читтә яшәсәм дә, туган авылымны сагынып, авылдашларым белән очрашып, аралашып кайтам. Авылга кайтканда, Әтнә районы җиренә килеп керүгә күңелем дулкынлана башлый. Минем өчен безнең яклардан да матуррак төбәк юк кебек тоела.

ГАЛИЕВ ФӘЙЗИ ӘХМӘТ УЛЫ

Фәйзи Әхмәт улы 1925 елның 2 июлендә Татарстан Республикасының Әтнә районы Түбән Шашы авылында крестьян гаиләсендә туып үсә. Күрше Күңгәр авылының җидееллык мәктәбен тәмамлагач та хезмәт юлын башлый: туган авылы «Чулпан» колхозында хисапчы булып эшли. Бер үк вакытта 1941–1942 елларда авыл яшьләренең комсомол оешмасын җитәкли.

ГАЛИЕВ ФӘЙЗИ ӘХМӘТ УЛЫ.

ТУГАН ҖИР КЫРЛАРЫН ЯКЛАП. Фәйзи Әхмәт улы Галиев 1925 елның 2 июлендә Татарстан Республикасының Әтнә районы Түбән Шашы авылында крестьян гаиләсендә туып үсә. Күрше Күңгәр авылының җидееллык мәктәбен тәмамлагач та хезмәт юлын башлый: туган авылы «Чулпан» колхозында хисапчы булып эшли. Бер үк вакытта 1941–1942 елларда авыл яшьләренең комсомол оешмасын җитәкли. 1942 елның декабрендә Фәйзи Галиев армиягә алына. Сарапул шәһәрендәге пехота училищесында кыска сроклы курсларны тәмамлаганнан соң, башка курсантлар белән берлектә ул фронтка озатыла.

ГАЛИМОВА ӘНИСӘ ҖАМАЛЫЙ КЫЗЫ.

“Әти сугышка киткәндә бер әнигә 5 бала калдык. Ашау яклары бик авырдан иде.Икмәк бик аз булгач, яз чыгу белән кырлардан өшегән бәрәңге, ә болыннардан кузгалак җыеп ашый идек. Безнең сыерыбыз бар иде-шуңа күрә ачтан да үлмәдек. Сыер саварга утырганда, әни безнең барыбызны да савыт тоттырып, үз янына тезеп утырта иде. Без җылы сөт эчеп, тернәкләнеп китә идек. Әнинең зур тырышлыгы аркасында безгә ачка тилмереп утырырга бик туры килмәде. Шушы ук сыерларны ат урынына җигеп, әни белән басулардан көлтәләр ташыдык.

ГАЛИУЛЛИН НУРӘХМӘТ ХӘКИМ УЛЫ.

“Без - сугыш елы балалары, - ди тыл ветераны Нурәхмәт Хәким улы Галиуллин. Безнең буын язмышына тирән эзен салды ул сугыш”. Яшьләренә күрә күпкә олыгайта аларны сугыш, берсе артыннан берсе авырлык-сынаулары белән чыныктыра, ныгыта да. Бөтен гомерләренә җитәрлек күркәм сыйфатлары әнә шул елларда ук бөреләнмәгәндермени? Тормышта һәр нәрсәгә үз көчең, үз хезмәтең һәм тырышлыгың белән ирешергә өйрәнгән, егылсаң да еламаска, тешен кысып түзәргә, сер бирмәскә күнеккән алар. Нурәхмәт абый 1931 нче елның 5 нче маенда Мәрҗән авылында дөньяга килә.

ГАНИЕВ КАВИ ГАНИ УЛЫ

Ганиев Кави Гани улы Әтнә районы Түбән Шашы авылында 1927 нче елның 14 нче мартында гаиләдә икенче бала булып дөньяга килә. Сугыш башланганда Кави абыйга 14 яшь була. Әтисе сугышка киткәндә аның әнисе 6 бала белән кала. Тормыш авыр. Аякларында чабата, ашаганнары үлән дә черек бәрәңге була. 14 яшьтән ат җигеп эшли колхозда эшли башлый. Чәчүгә чыга. Урман чыгара. 1944 нче елның 16 нчы февралендә сугышка китә. 16 яше дә тулмаган була әле аның. Алар тау араларында складларны, күперләрне саклыйлар. Шундый бер бәрелеш вакытында снаряд төшеп шартлап ул авыр яралана.

ГАНИЕВ КАВИ ГАНИ УЛЫ

Ганиев Кави абый Әтнә районы Түбән Шашы авылында 1927 нче елның 14 нче мартында гаиләдә икенче бала булып дөньяга килә. Сугыш башланганда Кави абыйга 14 яшь була. Әтисе сугышка киткәндә аның әнисе 6 бала белән кала. Тормыш авыр. Аякларында чабата, ашаганнары үлән дә черек бәрәңге була. 14 яшьтән ат җигеп эшли колхозда эшли башлый. Чәчүгә чыга. Урман чыгара.