Баулы районы

АБДУЛХАКОВА (ГЫЙНИЯТУЛЛИНА) ХӘЛИМӘ ӘГЪЗӘМ КЫЗЫ

АБДУЛХАКОВА (ГЫЙНИЯТУЛЛИНА) ХӘЛИМӘ ӘГЪЗӘМ КЫЗЫ 1933 елда Баулы районы Ак-буа авылында әткәй Әгъзәм, инәкәй Нурикамал Гыйниятуллиннар гаиләсендә дөньяга килгәнмен. Сугыш чыккан дигән сүзне ишеткәндә, миңа 8 яшь, беренче сыйныфны гына бетергән идем. Шулай булса да, бу сүз миңа таныш иде. Хәзер елын хәтерләмим, әткәйне Фин сугышына озатканны хәтерлим. Безнең бәхеткә, аңа сугышка ук барып җитәргә Ходай язмаган. Сугыш туктап, кире кайтты, ул үзе теләп киткән булган Фин сугышына. 1941 елны яхшы хәтерлим: әткәй МТСта нефтебаза мөдире булып эшли иде.

АФЗАЛОВ МӨХТӘР АФЗАЛ УЛЫ

Беек Ватан сугышы башланганда миңа 6 яшь тулып килэ иде. Этием Афзал Сэхипгэрэй улы, икенче кенне ук сугышка китте. 1942 елныц февраль аенда “хэбэрсез югалды” дигэн язу килде. Энием Кэшифэ ноябрь аенда бэби табып, еч бала белэн ирсез калды.

ГАБДРАХМАНОВА ӘМИНӘ МӘҺӘДИ КЫЗЫ

1936 елда Бәләкәй Баулы авылында дөньяга килгәнмен. Гаиләдә беренче бала. 1940 елда әтием безне вербовка белән Карелия ягына алып киткән. Шушы елның мартында туган сеңелем дә бар иде. Әтием урман кису эшенэ ялланган булгандыр. Без урнашкан бараклар тирәсендә бик куе урманнар иде. Моннан сугыш үткән булгандыр (1939-1940 елгы фин сугышы), ченки җимерек кирпеч йортлар бар иде.

ГАБСАБИРОВА РОЗА СЭЕТГЭР0Й КЫЗЫ

-Мин 1930 елда туганмын. Әтием Сафин Сәетгәрәй. Сугыш башланганда миңа 11 яшь иде. Җәй көне бик иртә әти безне (без биш бала калдык) уятып, үбеп чыгып китте. Без нәрсә икәнен аңламадык, иртән әнидән белдек сугышка киткәнен озак тормас, кайтып җитәр, - диде әни. Әти киткәч, әнинең алтынчы баласы туды. Алты бала бер ана өстендә, иң зурысы мин идем. Көз көне икмәкләрне җыярга авылда ир-атлар калмагач, икмәк көлтәләре җыелмыйча кырда калды. Кыш көне шул көлтәләрне ташып, инәйләр төнге сәгать унберләргә кадәр ашлык сугалар иде. Ул кышның суыклыгы, бураннар булуы нык хәтердә калган.

ГАЙФУЛЛИНА (ЗАКИРОВА) ЗАҺИДӘ НУРМӨХӘММӘТ КЫЗЫ

1935 елда Сарман районы Яхшы Каран авылында колхозчы гаиләсендә аваз салганмын. 1941 елда сугыш башлана, әтиебез, безне (еч бала: апама 10 яшь, миңа - 6, энемэ 3 ай) калдырып фронтка китэ.Без әбиебез (әтинәң анасы), әниебез белән ятим калдык. Әни - әти ролен, әби - эни ролен башкардылар. Эшкэ, тормышка аек күз белән карарга өйрәттеләр. Өскә ябарга палас, күлмәк-ыштан тегәргә яраклы итеп киндер суктылар, тула оек тегәргә яраклы итеп тула бастылар. Әткәйдән, ба- байдан калган киемнәрдән тышкы киемнәр тектерделәр, мал асрадылар.

ГАЛИМОВ РИМ КОТДУС УЛЫ

Мин бу деньяга 1941нче елның 20 апрелендә Башкортостан Респу- бликасының Йәрмәкәй районының Тарказы авылында Галимов Котдус Халим улы белән әнием Галимова Фатыйма Сафиулла кызы гаиләсендә икенче бала булып туганмын. Өлкән абыем Әмир сабый чагында ук вафат булу сәбәпле гаиләдә бердәнбер бала булып устем. Әтием 1941 иче елның июль аенда сугышка киткән һәм мин әтиемнән 3 айлык бала булып калганмын. Әниемнең сөйләве буенча, әтиемнеә соңгы хаты Ленинград фронтыннан килгән. Шул соңгы хатында “чолганыштан чыктык, узебезнең солдатлар белән кушылдык” дип язган булган. Шуннан соң башка хат килмәгән.

ГАЛИМОВА ГАЛИЯ МУЛЛАЯН КЫЗЫ

Безне сугыш чоры балалары диләр. Мин да 75 яшькэ җитеп, «әткәй» сүзен әйтә алмаганнарның берсе,чөнки әткәй сугышка киткәндә, миңа нибары яшь ярым гына булган. Әбекәйнең секә өстенә урындык куеп, тәрәзәнең өске бүлеменнән карап: «Улымның ишек алдына кергәнен күрми калырмын»-дип карап утырулары истә калган. «Улым, Муллаяным, күзләрем дә сукырайды бит инде сине көтеп», -дигән үзәк өзгеч сузләре дә онытылмый. Ике улының сугыш кырларында ятып калуы хәсрәтеннән аның акылы да зәгыйфьләйнде.

ГЫЙЛЬМЕТДИНОВА МӘХТҮМӘ НУРЕТДИН КЫЗЫ

Мин 1940 елны Мөслим районының Үрәзмәт авылында туганмын. Каһэр суккан сугыш. Мин илдэге миллионнарча сугыш елы балалары шикелле бер генэ мәртәбә дә кадерле сүз – “әткәй” сүзен кичерә алмаган 74 яшьлек әби – Гыйльметдинова Мәхтүмэ Нуретдин кызы. Әткәем сугышка киткэндэ мин 10 айлык сабый бала булып калганмын. Әткәебез безне – 10 яшьлек абыемны, 7 яшьлек кече абыемны, 3 яшьлек аапмны,мине,паралич сугып урын өстендә яткан әбекәйне калдырып калдырып сугышка китеп барган.

ДӘҮЛӘТХУҖИНА (ХӘСӘНШИНА) НАҖИЯ СӘЕТГӘРӘЙ КЫЗЫ

Мин Баулы район узәгендә 1936 елның 15 октяберендә унынчы бала булып колхозчы гаиләсендә дөньяга килгәнмен. Ул чагында әткәемә - 52, әнкәемә 47 яшь булган. Әткәм колхозда конюх-завхоз эшләрән башкарган, ә әнкәем төрле эштә эшлэгэн. Зур абыем “Сельхозтехника”да нормировщик булып эшли иде. Инәкәй - сугыш башланган - дип, повестка тотып, йөгереп кайтып керде. Ул вакытта җиңгәчәй икенче баласын тапкан иде. Улы 22 июньдә (1941) сәгать 11 дә туган. Ә абый 12 сәгатьтә, - исемен Энүр дип куярсыз, - дип, сугышка китте. Сугыштан медальләр тагып кайтканда улына дүрт яшь иде инде.

ЕВСЕЕВ ГАВРИИЛ ПЕТРОВИЧ

ЕВСЕЕВ Гавриил Петрович (15.7.1914, хәзерге Баулы районы Потап Томбарлысы авылы - 15.5.1973, шунда ук), Советлар Союзы Герое (31.5.1945), майор (1945). 1932 елдан Баулы районы халык мәгарифе бүлегендә инструктор булып эшли. 1936 дан Кызыл Армиядә. Кече лейтенантлар курсын тәмамлый (1940). 1941 нең ноябреннән Бөек Ватан сугышы фронтларында, 61 нче армиянең 547 нче миномёт полкы дивизион командиры.

Subscribe to Баулы районы