Расположен на северо-западе Республики Татарстан, граничит с Арским и Высокогорским районами РТ и Моркинским районом Республики Марий Эл. Территория района составляет 681,4 кв.км. Население района составляет 13295 человек.
Бөек Ватан сугышына Әтнә районы Олы Мәңгәр авылыннан унбер хатын-кыз киткән.
Авыл җирлекләрендә Бөек Җиңүнең 75 еллыгы уңаеннан чыгарылган юбилей медальләрен тапшыралар. Чираттагысы Күлле Киме авыл җирлегендә булды.Өлкәннәрне хөрмәтләп район һәм авыл җитәкчеләре Күлле Киме мәдәният йортына җыелдылар. "Дусым" хужалыгы, Күлле Киме авыл җирлеге җитәкчеләре ярдәме белән әзерләнгән мул табын артында ветераннарыбызны бәйрәм белән котладылар, бүләкләр тапшырдылар. Барлык ветераннарыбызга озын гомер, сәламәтлек теләп калабыз.
8 март көнне Әтнә районы Түбән Бәрәскә мәдәният йортында дип аталган кичә үткәрелде. Монда Тубән Бәрәскә авыл җирлегенә кергән 3 авыл Олы Бәрәзә, Түбән Бәрәскә, Олы Өшкәтә авылы кешеләре чакырылган иде. Кичә башланыр алдыннан фойеда ТАССРның 100 еллыгына багышланган күргәзмә оештырылган иде. Күргәзмәдәге фотолар, китаплар Әтнә үзәк китапханәсе оештырган булса, Әтнә туган якгы өйрәнү музее үзенең фондта булган әйберләре белән вакытлыча күргәзмә әзерләде.
"Мин сине сагынам" фильмы әтнәләргә чит түгел. Чөнки бу фильмның күп өлешендә безнекеләр катнашты, күп өлеше безнең Әтнә җирлегендә төшерелде. Әтнәдә төшерелә башлаганнан бирле, фильмның режиссеры Марина Мусиенко белән элемтәдә тордык. Аның Әтнә халкы турында әйткән сокланулы сүзләрен дә хәбәр иттек. Татарларга хөрмәтем артканнан арта, дигән иде ул. Сәнгатьнең милләте юк, дип белеп әйткәннәр. Күзәтеп, төшергәннәрен карап барырга тырыштык.
Матур традиция буенча Әтнә районы Бәрәскә урта мәктәбендә Аҗаган уены узды.
8 Март бәйрәме алдыннан җитәкчеләр ветераннарга бүләк ясады, бу бүләк тылның бар авырлыгын үз җилкәләрендә күтәргән ветеран хатын-кызлар өчен икеләтә кадерле булды. Аларны җитәкчеләр ике бәйрәм белән берьюлы котлады. Олы Мәңгәр авылында урнашкан "Мәңгәр" хуҗалыгы ашхәнәсенә җирлектәге дистәдән артык ветеранны табын әзерләп чакырды алар. Хәрби кием кигән кызлар хезмәт күрсәтте.
Әтнә районы Ары авылында гомер итүче Миңкамал Сәмигуллина олуг юбилеен билгеләп үтте. Ары авылында туган, үскән, гомер кичергән Миңкамал әби бүгенге рәхәт тормышка сөенеп туя алмый. - Кыенлыкларны күп кердек, Аллаһы Тәгалә шуңамы картлык көнемдә рәхәт тормыш насыйп итте, - дип шатлана ул. Өч кыз, өч ул анасы булган Миңкамал әбинең, бүген оныклары, оныкчыклары да бар. Тик менә бер баласы гүр иясе булган.
Кичә, 4 мартта, Әтнә районы Күәм мәдәният йортында сугыш һәм тыл хезмәткәрләренә Бөек Җиңүнең юбилей медальләре тапшырылды. Күәм авыл җирлегендә әлеге юбилей медале 36 ветеранга тапшырылырга тиеш иде. Кызганыч, берсе юбилей медален ала алмый дөнья куйды. Калган 35 ветеран юбилей медале белән бүләкләнде. Аларның да унысы гына Тукай һәм Дусым хуҗалыклары җитәкчеләре Илфат Хәкимов белән Ленар Сәмигуллинның матди ярдәме белән әзерләнгән табын артына килеп утыра алды.
Әтнә районы Түбән Бәрәскә авылының "Илсөя" кафесында кичә, 4 мартта, сугыш чоры балаларын зурлап, хөрмәтләп чакырып, мул табыннар артына утырттылар. Түбән Бәрәскә авыл җирлегенең Олы Бәрәзә, Өшкәтә, Түбән Бәрәскә авылының сугыш чоры балалары җыйналган аш мәҗлесен коръән укып, Әдһәм мулла башлап җибәрде. Хөрмәтләү чарасында Ленин исемендәге хуҗалыкның рәисе Илгиз Вилдан улы Хәйруллин, авыл җирлеге башлыгы Аида вафа кызы Фатыйхова катнашып, сугыш чорының бар авырлыгын үз җилкәләрендә күтәргән бу балаларның ачы язмышларына тукталып, аларны Бөек Җиңүнең 75 еллыгы белән тәбрик иттеләр.
Әтнә театры Мәскәүгә барып 3 март "Маска+" кысаларында "Театр Луны" сәхнәсендә чыгыш ясады. Әтнә дәүләт драма театры коллективы “Кече шәһәр театрлары” федераль проекты кысаларында узган елның 28-29 июнь көннәрендә Анна Батуринаның “Фронтовичка” (16+) әсәрен сәхнәгә куйды. Әлеге пьеса яшь драматургның Россия театрында куелган популяр әсәре. Татар телендә ул беренче тапкыр Әтнә дәүләт драма театры сәхнәсендә күрсәтелде һәм аны театрыбыз артисты Марат Хәбибуллин тәрҗемә итте. Режиссеры - Илсур Казакбаев.
