Бессмертный полк РТ

ДӘҮЛӘТОВ ӘБЕЛМӘНИХ ДӘҮЛӘТ УЛЫ

1926 елның 2 ноябрендә Куян авылында туган, хәзер Әҗәкүлдә яши. 1943 елның ноябрь аенда Ватанны саклау өчен яу кырларына китә. Япониядә барган сугышларда катнаша, Җиңү көнен дә шунда каршылый. Төрле утрау юллар үтеп, туган авылына 1950 елның көзендә генә кайта. Ефрейтор булып хезмәт иткән яугирнең күп санлы медальләре бар.

ӘХМӘДУЛЛИН ВӘГЫЙЗ ЗӘКИ УЛЫ

1926 елның июнь аенда Илчебай авылында туа. Хәзерге көндә Актанышбашта яши. 1945 елның 15 гыйнварында сугышка озатыла. 346 нчы укчы полкта укчы булып хезмәт итә. Җиңү көнен Белоруссиядә каршылый. Сугыш беткәч тә тиз генә туган авылында кайту насыйп булмый. 1946-1947 елларда 25 нче каравыл ротасында укчы булып хезмәт куя. 1947 елда 17885 хәрби частьтә укчы була. 1950 елның 17 маенда авылына кайта. Ефрейтер булып хезмәт иткән яугирнең шактый медальләре бар.

ШӘЕХҖАНОВ МӨБАРӘК ШӘЕХҖАН УЛЫ

1924 елның 30 сентябрендә Сәфәр авылында туа. Фронтка 1942 елның июнендә китә. Белоруссия фронтында сугыша. Җиңү көнен госпитальдә каршылый. Туган якка 1946 елда әйләнеп кайта. Рядовой. Ватан сугышы, Кызыл Йолдыз орденнары, "Батырлык өчен", "Германияне җиңгән өчен" һ.б. медальләр белән бүләкләнә. Әнәк авылында зоотехник булып эшли. Актанышта мал табибы булып эшләгәндә лаекты ялга чыга. "Социалистик ярышта җиңүче", "Коммунистик хезмәт ударнигы" исемнәренә лаек була. Хатыны белән өч кыз тәрбияләп үстерәләр.

ШАКИРОВ ХӘМЗӘ ШАКИР УЛЫ

1924 елның 11 августында Актаныш авылында туа. Сугышка 1942 елның июлендә китә. Ленинград фронтында сугыша. Туган якка 1945 елның февралендә кайта. Сержант. Ватан сугышы ордены, "Батырлык өчен", "Ленинград оборонасы өчен" һ.б. медальләр белән бүләкләнә. Кайткач мәктәптә, почтада эшли. Хезмәт ветераны. Өч баласы бар.

НАСРЕТДИНОВ ВАРЯ ВАҺАП УЛЫ

1926 елның 20 июнендә туа.1943 елның ноябрендә сугышка китә. Көнбатыш, lll Белоруссия фронларында сугыша. Җиңү көнен Польшада каршылый. Туган ягына 1950 елның декабрендә кайта. Ефрейтор. ll дәрәҗә Ватан сугышы ордены, "Кенигсбергны алган өчен", "Җиңү" һ.б. медальләр белән бүләкләнә. Кайткач башта 2 ел почтада, аннан МТСта тракторчы, комбайнчы, слесарь булып эшләп лаеклы ялга чыга. Хатыны Әлфия белән ике бала тәрбияләп үстерәләр. lll төркем инвалид.

ШАКИРҖАНОВ МӨХӘММӘТГАЛИ ШАКИРҖАН УЛЫ

1924 елның 10 октябрендә Актанышбаш авылында туа. 1942 елның 12 августында сугышка китә. Ленинград, 1 нче Украина фронтларында сугыша, Финляндиядә була. Җиңү көнен Украинада каршылый. Туган ягына 1947 елның 29 мартында кайта. Ватан сугышы ордены, "Ленинград оборонасы өчен", "Батырлык өчен", "Германияне җиңгән өчен" һ.б. медальләр белән бүләкләнә. Кече сержант. Сугыштан кайткач Актанышбашта ферма мөдире булып 2 ел эшли. Аннары Лаешта шоферлар курсларында укып кайта һәм лаеклы ялга киткәнче МТСта шофер булып эшли. Тормыш иптәше белән өч бала тәрбияләп үстерәләр.

ШӘРИФУЛЛИНА МӨНӘВӘРӘ МАЛИК КЫЗЫ

1924 елның 2 гынварында Актаныш авылында туа. 1942 елның 18 маенда фронтка китә. Приморье краенда хезмәт итә. Туган якка 1944 елның февралендә кайта. Рядовой. Күп медальләр белән бүләкләнә. Әҗәкүл элеваторында ашханә мөдире, Гәрәй авылында счетовод, Ямалы элеваторында кассир-счетовод, райпода, 746 нчы ПМКда кассир булып эшли. Хезмәт ветераны. Ике кызы бар.

ШӘРӘПОВ ГАРӘБИ ШӘРӘФ УЛЫ

1924 елның 27 мартында Усы авылында туа. 1942 елның 27 октябрендә хәрби хезмәткә чакырыла. 4 ай Суслонда була, 11 нче запас укчы полкында, 1079 нчы полкта, 312 нче укчы дивизиядә хезмәт итә. Җиңү көнен Казанда каршылый. 1945 елның 1 ноябрендә туган якка кайта. Капитан.Майор. ll дәрәҗә Ватан сугышы ордены, "Германияне җиңгән өчен" һ.б. медальләр белән бүләкләнә.

ХӘМИДУЛЛИН МИРСӘЕТ ХӘМИДУЛЛА УЛЫ

1927 елның 11 ноябрендә Байсар авылында туа. 1944 елның 1 декабрендә сугышка китә. 415 нче, 132 нче полкларда, 4732 нче санлы хәрби частька хезмәт итә. 1951 елның маенда туган якка кайта. Рядовой. Кайткач ашлык кабул итү предприятиесендә эшли. Лаеклы ялга да шуннан 1987 елда чыга. Хезмәт ветераны. Күп медальләр белән бүләкләнә. Хатыны Гөлфая белән бер кыз тәрбияләп үстерәләр.

ХӨСӘЕНОВ ТИМЕРШӘЕХ ХӨСӘЕН УЛЫ

1923 елның 2 июлендә Яңа Богады авылында туа. Сугышка 1942 елның 24 августында китә. 2 нче Белоруссия фронтында, Смоленск юнәлешендә сугыша. Яраланып, 1943 елның 22 июнендә кайта. Серңант. Ватан сугышы ордены, "Батырлык өчен", "Германияне җиңгән өчен" һ.б. медальләр белән бүләкләнә. Колхозда, Актаныш элеваторында эшли. Хезмәт ветераны. Данлы хезмәте өчен медале белән бүләкләнә. Алты баласы бар.

Pages

Subscribe to Бессмертный полк РТ