Габделәхәт Абдулхак улы Абдулхаков Әтнә районы Әйшияз авылында яшәүче ветераныбыз 95 яшьлеген каршылады. 1920 елның 14 мартында дөньяга килгән Габделәхәт мәктәптә укып 7 сыйныф белем ала, 14 яшеннән колхозда төрле эшләр башкара. 20 яше тулгач, 1940 елның октябрендә армия хезмәтенә алына. Манчьжурия чигендә, 76-нчы полк 1-нче батальон З-нче рота 1-нче взвод 4-нче отделениедә кече сержант буларак отделение командиры вазифасын башкара.
АБДУЛХАКОВА (ГЫЙНИЯТУЛЛИНА) ХӘЛИМӘ ӘГЪЗӘМ КЫЗЫ 1933 елда Баулы районы Ак-буа авылында әткәй Әгъзәм, инәкәй Нурикамал Гыйниятуллиннар гаиләсендә дөньяга килгәнмен. Сугыш чыккан дигән сүзне ишеткәндә, миңа 8 яшь, беренче сыйныфны гына бетергән идем. Шулай булса да, бу сүз миңа таныш иде. Хәзер елын хәтерләмим, әткәйне Фин сугышына озатканны хәтерлим. Безнең бәхеткә, аңа сугышка ук барып җитәргә Ходай язмаган. Сугыш туктап, кире кайтты, ул үзе теләп киткән булган Фин сугышына. 1941 елны яхшы хәтерлим: әткәй МТСта нефтебаза мөдире булып эшли иде.
Абзаев Фоотбак Миннегали улы 1922 елның 1 апрелендә туып 18 яше тулу белән сугышка китә. Белорус фронтында 1944 елда каты яраланып, 80%тәне яна һәм аны үлгәннәр янына чыгаралар. Купмедер вакыттан соң командирлары исәнлеген күреп алып госпитальгә озаталар. 1944 елның көзендә туган ягына кайтып Куян авылында тагын 56 ел яшэп 5.12.2000 елда бакыйлыкка күчә.
1921 елда туган. 1941 елның апрель аенда Кызыл Армия сафларына алына. Сугышка 1942 елның декабрь аеннан керә. 1944 елны “Сугышта күрсәткән батырлык өчен” (“За боевые заслуги”) һәм “Сталиградны саклаган өчен” (“За оборону Сталинграда”) медальләре белән бүләкләнә.
Абзалов Мирзаян Абзал улы 1926 елның 18 августында Мортыш-Тамак авылында туган. Сугышка 1943 елның 10 ноябрендә алына. Бөгелмәдән поездка утыртып Ерак Көнчыгышка җибәрәләр. 22нче Кызыл Байраклы Чапаев исемендәге дивизия, 304 Новороссийск укчылар полкының пулеметчылар взводында, 8 ротының өлкән пулеметчигы булып хезмәт итә.
Абзалов Мәхмүт Хафиз улы 1925 елны Сарман районы Шәрләрәмә авылында туа. Гаиләдә 5 баланың иң өлкәне була, калганнары-кызлар. Әтисе Хафиз сугыш чыкканда колхоз рәисе булып эшли. Әтисен сугышка алганда Мәхмүт гаиләгә бердәнбер терәк булып кала, чөнки әниләре авыру, иң олы сеңлесе Гөлсинәгә 12 яшь кенә була. Шуңа күрә дә ул сугышка киткәндә безнең ихатага сукмакны биек чүп үләннәре басып китәр инде дип уйлый.
Абрамов Алексей Захарович. Место жительства: с.Ново-Шешминск Ново-Шешминский район ТАССР . В годы Великой Отечественной войны работал в Новошешминской МТС трактористом. Награжден медалью "За доблестный труд в Великой Отечественной войне 1941–1945 гг." (Акт от 28 апреля 1947 г., фонд 3610, опись 2, дело 174, лист 19). Источник: Национальный архив Республики Татарстан.
Әтисе Николай Кузнецов, урман эшчесе, гаиләсе белән Чаллы леспромхозының Соболеково торак пунктында яши. Әнисе иртә вафат булгач, Антонида сеңлесе белән ят ана тәрбиясендә кала. Үги ананың ияреп килгән кызы да бар. Әтисе Николай Агафоновичка фронтка чакыру кәгазе килсә дә, күзе зәгыйфь булгач, аны тылда, урман кисүдә калдыралар. Урман эше авыр, биек-биек агачларны аркылы пычкы белән кисеп аударырга, делянка читенә чыгарып өяргә кирәк. Юллар төшүгә (анысын да чистартып, чана-арба йөрерлек хәлдә тотарга туры килә) бүрәнәләрне атлар белән тарттырып озату зур көч сорый.
Әбүталипов Рәшит Хаҗи улы Әбүталипов Рәшит Хаҗи улы 1916 елның 26 декабрендә Башкортстанның Авыргазы районы Әпсәләм авылында укытучы гаиләсендә туа. Авылда дүрт сыйныф укыганнан соң, ул Стәрлетамакта фабрика-завод мәктәбендә укый, аннан авыл хуҗалыгы техникумын тәмамлый. Нәсел эше буенча зоотехник булып эшли, комсомол оешмасын җитәкли. 1937 елның ноябрендә Рәшит Хаҗи улы Кызыл армия сафларына алына, тугыз айлык курсларда укып, лейтенант званиесе ала, 1938 елда Хәсән күле янында японнар белән сугыш башлангач, хәрби бәрелешләрдә катнаша.
Аввакумов Николай Михаил улы 1915 елның 24 августында Иске Җирекле авылында туган, 4 класс белеме булган, сугышка кадәр трактор йөртүче булып эшләгән. Сугышның беренче көннәреннән хезмәткә алалар, 1941елның 27 июнендә присяга кабул итә, өченче инженер-техник уку ротасына укырга жибәрәләр, аннан 224 саперлар батальонының курсанты булып саперлык һөнәренә өйрәнә. Укып бетергәч Украина фронтының 60-гвардия бүлеге саперлар батальонында взвод командиры ярдәмчесе булып хезмәт итә. Сталиниградны саклауда катнаша. Николаев шәһәрен алганда яралана, контузия ала.
