Фронтовиклар

Ләшәү Тамак авылында гомер кичерүче Әсхия апаның бала чагы авыр сугыш елларына туры килә. “Ач та булмадык, тормыш җиңел дә булмады. Сугыш елларында тугыз җанны туйдыру әтиле гаиләләргә дә авыр иде, әтисезләр ничек түзгәндер”,- дип искә ала Әсхия апа. Әтисе сугыштан бронь белән калдырыла, хәзерләүләр конторасында хезмәт куя. Үсмер кыз иңнәренә Бөгелмә, Чаллы, Азнакайдан чана белән орлык, молотилкага салам ташу, Пермь, Иштирәк урманнары кисү кебек авыр эшләр төшә. Җиде класс белем алганнан соң Әсхия апа клубта, колхозда төрле эшләрдә эшли; гаилә кора, өч кызы туа.

Мостафин Зәкиулла Әсхәдулла улы 1919 елда Кукмара районында туган, кече лейтенант. 1939 елда Армия сафларына алына һәм Ерак Көнчыгыш тарафыннан озатыла. Ул кавалериядә хезмәт итә. Ватан сугышы башлангач, 1941 елның көзендә, аларның частен Мәскәү янына кайтаралар. Зәкиулла Мостафинны Кремль коменданты карамагына җибәрәләр. Сугыштан соң Зәкиулла абый Казан шәһәренең Дәрвишләр бистәсе милициясендә эшләп пенсиягә чыга.

Рәхимҗан Габдуллаҗан (Музафаров Рахимзян Габдуллазянович ) улы 1924 елның 5 сентябрендә Әтнә районы Күәм авылында туган. Рәхим абый 1942 елның 26 августында 17 яшендә су гышка китә. Башта өч ай вакыт дәвамында Мари якларындагы Суслонгерда әзерлек курслары үтә. Аннан соң Волхов фронтында Ленинград юнәлешендәге сугышларда катнаша. 1244 нче укчы полкта миномёт наводчигы булып хезмәт итә. 120 мм лы миномётның 16 килограммлы снарядлары 5 километрга кадәр оча торган була. 1943 елның январенда яралана һәм май аенда демобилизацияләнә.

Мукусев (Мукусов) Степан Дмитриевич 1912 елда Казан губернасының Спас өязе Сихтермә авылында (хәзерге ТР Әлки районы Хузангай авылы) Бөек Ватан сугышы ветераны. 1940 елда ТАССРның Әлки район хәрби комиссариатыннан Кызыл Армия сафларына чакырыла. 1941 елның июленнән Брянск һәм Белоруссия фронтларында сугыша. 1942 елда өлкән лейтенант, батальон командиры урынбасары.