Дан битләре | Виртуальный музей Великой Отечественной войны Республики Татарстан

ЗИННУРОВ НАБИУЛЛА ШАФИГОВИЧ

ЗИННУРОВ Нәбиулла Шәфикъ улы (20.5.1922, Зөя кантоны Татар Мәмәтхуҗасы авылы - 1956, Казан), Советлар Союзы Герое (10.1.1944), кече лейтенант (1943). 1941 елдан Кызыл Армия сафларында. 1942 нең февраленнән Бөек Ватан сугышы фронтларында, 15 нче укчы полк батальоны комсоргы (38 нче армиянең 167 нче укчы дивизиясе). Брянск, Воронеж һәм 1 нче Украина фронтлары гаскәрләре составында Курск сугышында (1943), Харьков һөҗүм операциясендә (1943), Украина, Польша, Чехословакияне азат итүдә катнаша. 1943 нең 3-5 ноябрендә Киевны азат итү сугышында батырлык күрсәтә.

Верхнеуслонский

Герои Советского Союза

Фронтовиклар

Опубликовано 12 January, 2015 - 23:39 пользователем admin

ЗИНОВЬЕВ ИВАН ДМИТРИЕВИЧ

ЗИНОВЬЕВ Иван Дмитриевич (17.1.1905, Самара губернасы, Бөгелмә өязе Дубовка авылы - 1942), Советлар Союзы Герое (26.4.1940), полковник (1941). 1927 елдан НКВД гаскәрләре сафларында. 1939-40 та совет-фин сугышында катнаша, 4 нче чик сакчылары полкының рота командиры (НКВД гаскәрләре). 1940 ның гыйнвар-февралендә Уома (Финляндия) торак пункты янында фронт коммуникацияләрен саклаганда батырлык күрсәтә. 1940-41 дә М.В.Фрунзе исемендәге хәрби академиядә (Мәскәү) укый. 1941 нең июленнән Бөек Ватан сугышы фронтларында, укчы дивизия командиры.

Герои Советского Союза

Опубликовано 12 January, 2015 - 23:39 пользователем admin

ИБРАҺИМОВ ХӘБИБУЛЛА ИБРАҺИМ УЛЫ

ИБРАҺИМОВ Хәбибулла Ибраһим улы (18.1.1912, Вятка губернасы Малмыж өязе, хәзерге Балтач районы Куныр авылы- 18.10.1975, Куныр авылы), Советлар Союзы Герое (21.3.1940), подполковник (1958). Кече лейтенантлар (1938), Команда составын камилләштерү (1943) курсларын, Югары офицерлар бронетанк мәктәбен (1947) тәмамлый. Сугышка кадәр колхозда эшли. 1934 елдан Кызыл Армия сафларында. Совет-фин сугышында катнаша, 128 нче танкка каршы дивизион батарея командиры (7 нче армиянең 86 нчы мотоукчылар дивизиясе).

Герои Советского Союза

Опубликовано 12 January, 2015 - 23:40 пользователем admin

ИВАНОВ НИКОЛАЙ ПЕТРОВИЧ

ИВАНОВ Николай Петрович (15.11.1904, хәзерге Чуаш Республикасы, Яльчик районы Яльчик авылы - 27.1.1959, Казан), Советлар Союзы Герое (7.8.1943), полковник (1954). Команда составын камилләштерү курсларын, Ф.Э.Дзержинский исемендәге Хәрби академия каршындагы Югары офицерлар академиясе курсларын (Мәскәү, 1947) тәмамлый. 1926-27 елларда һәм 1934 тән Кызыл Армия сафларында. 1943 нең апреленнән Бөек Ватан сугышы фронтларында, 872 нче гаубица артиллериясе полкы командиры (13 нче армиянең 32 нче гаубица артиллериясе бригадасы).

Тетюшский

Герои Советского Союза

Опубликовано 12 January, 2015 - 23:41 пользователем admin

ИВАНОВ ПЁТР АРТЕМЬЕВИЧ

ИВАНОВ Пётр Артемьевич (1909, Казан губернасы, Тәтеш өязе Чолы авылы - 13.4.1944, Украина ССР, Кырым өлкәсе Ашага-Джамин авылы), Советлар Союзы Герое (16.5.1944, үлгәннән соң), рядовой. Тәтеш МТСнда эшли. 1942 елдан Бөек Ватан сугышы фронтларында, 91 нче мотоциклет батальоны отделениесе мотоциклчысы (19 нчы танк корпусы). 4 нче Украина фронты гаскәрләре составында Кырымны азат итүдә катнаша. 1944 нең 13 апрелендә Ашага-Джамин авылы янындагы сугышта батырлык күрсәтә; танклы разведка төркеме составында сугышта яраланып, әсирлеккә эләгә һәм үтерелә.

Герои Советского Союза

Опубликовано 12 January, 2015 - 23:42 пользователем admin

ИДРИСОВ ГИЛЕМХАН ИДРИСОВИ

ИДРИСОВ Гыйлемхан Идрис улы (16.9.1913, Башкортстан Республикасының хәзерге Благовар районы Яңа Абзан авылы - 5.2.1977, шунда ук), Советлар Союзы Герое (10.4.1945), гвардия өлкән сержанты (1945). Колхозда эшли. 1937-39 елларда һәм 1942 нең маеннан Кызыл Армия сафларында. 1942 нең ноябреннән Бөек Ватан сугышы фронтларында, 290 нчы гвардия укчы полкның орудие командиры (5 нче гвардия армиянең 95 нче гвардия укчы дивизиясе). 1 нче Украина фронты гаскәрләре составында Украинаны (1943-44), Польшаны (1944) азат итү сугышларында, Берлин һәм Прага (икесе дә - 1945) һөҗүм операцияләрендә катнаша.

Герои Советского Союза

Опубликовано 12 January, 2015 - 23:43 пользователем admin

ИМАМЕТДИНОВ МӘГЪСҮМ ИМАМЕТДИН УЛЫ

ИМАМЕТДИНОВ Мәгъсүм Имаметдин улы (1898, Башкортстан Республикасының хәзерге Янаул районы Кызылъяр авылы - 11.3.1945, Польша, Ополе шәһәре янында җирләнгән), Советлар Союзы Герое (10.4.1945, үлгәннән соң), рядовой, сапёр. Колхозда һәм авыл хуҗалыгы артелендә эшли. 1941 елның октябреннән Кызыл Армия сафларында. 1942 нең февраленнән Бөек Ватан сугышы фронтларында, 76 нчы аерым штурм инженер-сапёрлар батальоны сапёры (16 нчы штурм инженер-сапёрлар бригадасы). 1 нче Украина фронты гаскәрләре составында Украинаны (1943-44) һәм Польшаны (1944) азат итү сугышларында катнаша.

Герои Советского Союза

Опубликовано 12 January, 2015 - 23:44 пользователем admin

ИМАМОВ ХАТИП ИМАМЕТДИН УЛЫ

Имамов Хатип Имаметдин улы 1924 елның 8 мартында Тыңламас авылында туа. 1942 елда 18 яшендә яу кырына озатыла. 1942-1943 елларда Волхов фронтында, 1944 елда Ленинград фронтында көрәшә. Чехсловакия шәһәрләрен азат итүдә катнаша. Кече сержант сапер булып хезмәт итә. 1944 – 1954 елларда беренче Украина фронтында сугыша. Җиңү көнен Германиянең Глатос шәһәрендә каршылый. Сугыш беткәннән соң ике ел хезмәт итеп туган авылына кайта. III дәрәҗә Дан ордены белән бүләкләнә.

Актанышский

Дан ордены кавалерлары

Опубликовано 16 November, 2015 - 14:40 пользователем Актанышский музей

ИМАНОВ ЗӨФӘР МИНТИМЕР УЛЫ

Иманов Зөфәр Минтимер улы 1945- 2001 Актаныш районы Адай авылында туган. 1967 елны армиядә хезмәт итеп кайткач, Ижаудагы “Мотозавод”ка эшкә урнаша. 1973 елны Чаллыга күчеп кайта һәм КамАЗның пресс-рам заводында югары разрядлы шомартучы булып таныла. Рационализаторлык тәкъдимнәре кертә. Аның җитәкчелегендәге бригаданың даны илгә тарала.

Актанышский

Социалистик Хезмәт Геройлары

Опубликовано 3 November, 2015 - 14:50 пользователем Актанышский музей

ИСАЕВ АЛЕКСЕЙ ПЕТРОВИЧ

ИСАЕВ Алексей Петрович (1906, Казан губернасы, Зөя өязе Малый авылы - 22.1.1945, Будапешт шәһәре, Венгрия), Советлар Союзы Герое (28.4.1945, үлгәннән соң), сержант (1945). Колхозда эшли. 1941 елдан Кызыл Армия сафларында. 1943 тән Бөек Ватан сугышы фронтларында, 42 нче укчы полкның автоматчылар ротасында отделение командиры (46 нчы армиянең 180 нче укчы дивизиясе). Төньяк Кавказ, Көньяк-Көнбатыш фронтлар гаскәрләре составында Кавказ өчен барган сугышта (1943), Украина, Молдавия, Румыния, Болгария, Венгрияне азат итү сугышларында катнаша (1943-45).

Герои Советского Союза

Опубликовано 12 January, 2015 - 23:45 пользователем admin