Дан битләре

САЛИХОВ ГАТАУЛЛА САЛИХ УЛЫ ( 1.1.1924 )

Салихов Гатаулла Салих улы 1924 елның 1 гыйнварында хәзерге Татарстан Республикасы Арча районы Түбән Оры авылында туган. Милләте – татар. Җидееллык мәктәп тәмамлаган. Колхозда эшләгән. 1942 елдан- Совет Армиясендә. 1943 елдан- КПСС әгъзасы. 1943 елның февралендә - хәрәкәттәге армиядә.

ГУРЬЯНОВ ПАВЕЛ ЯКОВЛЕВИЧ

ГУРЬЯНОВ Павел Яковлевич (15.12.1918, Казан губернасы, Спас районы Ширбәт авылы - 16.6.1960, Казан), Советлар Союзы Герое (16.10.1943), сержант. Слесарь булып эшли. 1939 елдан Кызыл Армиядә. 1942 нең маеннан Бөек Ватан сугышы фронтларында, 622 нче аерым элемтә ротасындагы (13 нче армиянең 74 нче укчы дивизиясе) телефон-кабель взводының отделение командиры. Үзәк, Воронеж һәм 1 нче Украина фронтлары гаскәрләре составында Курск сугышында (1943), Днепр елгасы өчен барган сугышларда (1943), Украина һәм Польшаны азат итүдә, Берлин һәм Прага операцияләрендә (икесе дә - 1945) катнаша. 1943 нең 24 сентябрендә Комарин бистәсе янында (Белоруссия ССР, Гомель өлкәсе Брагин районы) Днепр елгасын кичкәндә батырлык күрсәтә. Сугыштан соң Казанда эшли. Ленин ордены, медальләр белән бүләкләнә.

ГРИГОРЬЕВ ВИКТОР АНТОНОВИЧ

ГРИГОРЬЕВ Виктор Антонович (18.8.1921, Омск шәһәре - 23.8.1985, Владимир шәһәре), Советлар Союзы Герое (12.4.1942), подполковник (1957). 1934-39 елларда Казанда эшли. 1939 елдан Кызыл Армиядә. 1941 нең октябреннән Бөек Ватан сугышы фронтларында, 32 нче танк бригадасы (50 нче армия) танк йөртүчесе. Брянск, Көнбатыш, Үзәк һәм 2 нче Белоруссия фронтлары гаскәрләре составында Мәскәүне саклауда (1941-42), Ржев-Вязьма һөҗүм операциясендә (1942), Белоруссияне азат итүдә, Көнчыгыш Пруссия һөҗүм операциясендә (1945) катнаша.

ГРАФОВ ВЛАДИМИР СЕРГЕЕВИЧ

ГРАФОВ Владимир Сергеевич (28.6.1913, Самара губернасы Бөгелмә шәһәре- 9.12.1991, Казан), Советлар Союзы Герое (31.5.1945), подполковник (1956). Казан югары танк командирлары училищесен тәмамлый (1942). Туган авылында МТС директоры булып эшли. 1935-37 елларда һәм 1939 дан Кызыл Армиядә. 1939 да Халхин-Гол елгасы буенда япон милитаристларына каршы сугышта катнаша. 1941 нең ноябреннән Бөек Ватан сугышы фронтларында, мотоциклет батальоны (1 нче гвардия танк армиясенең 8 нче гвардия механикалаштырылган корпусы) командиры.

ГОРДОВ ВАСИЛИЙ НИКОЛАЕВИЧ

ГОРДОВ Василий Николаевич (30.11.1896, Уфа губернасы, Минзәлә өязе Матвеевка авылы - 24.8.1951, Самара шәһәре), генерал-полковник (1943), Советлар Союзы Герое (6.4.1945). Татар милләтеннән. Өлкән командирлар составы (1925), «Выстрел» (1927) курсларын, Мәскәүдәге М.В.Фрунзе исемендәге Хәрби академияне (1932) тәмамлый. Беренче бөтендөнья сугышында өлкән унтер-офицер. 1917 елдан Кызыл Армиядә. Гражданнар сугышында Көнчыгыш һәм Көнбатыш фронтларда рота, батальон, полк белән җитәкчелек итә, Н.И.Махноның Крәстияннәр армиясенә, Урта Азиядә баш күтәргән милли частьләргә каршы сугышларда катнаша.

ГОРБАНЁВ НИКОЛАЙ КУЗЬМИЧ

ГОРБАНЁВ Николай Кузьмич (14.5.1922, Воронеж өлкәсенең Россошь районы Поповка авылы), генерал-майор (1968), Советлар Союзы Герое (13.9.1944). Педагогика училищесен (1940, Россошь шәһәре), Харьков артиллерия училищесен (1942), Бронетанклар һәм механикалаштырылган гаскәрләр хәрби академиясен (1951, Мәскәү) тәмамлый. Бөек Ватан сугышында - танкка каршы атучы батарея командиры. Яссы-Кишинёв һөҗүм операциясендә батырлык күрсәтә (1944).

ГОНТАРЬ КОНСТАНТИН МИХАЙЛОВИЧ

ГОНТАРЬ Константин Михайлович (5.3.1921, Краснодар шәһәре - 22.5.2003, Мәскәү), Советлар Союзы Герое (2.11.1944), подполковник (1957). Казан пехота училищесен тәмамлый (1940). 1938 елдан Кызыл Армиядә. Совет-фин сугышында (1939-40) катнаша. 1941 нең июненнән Бөек Ватан сугышы фронтларында, 95 нче укчы полкның (14 нче армиянең 14 нче укчы дивизиясе) батальон командиры. Төньяк һәм Карелия фронтлары гаскәрләре составында Карелия, Норвегияне азат итүдә, Петсамо-Киркенес һөҗүм операциясендә (1944) катнаша.

ГОВОРОВ ЛЕОНИД АЛЕКСАНДРОВИЧ

ГОВОРОВ Леонид Александрович (22.2.1897, Вятка губернасы, Яранск өязе Бутырки авылы - 19.3.1955, Мәскәү), Советлар Союзы Маршалы (1944), Советлар Союзы Герое (1945). 1909-16 елларда һәм 1917 нең ноябреннән 1918 нең сентябренә кадәр Алабуга шәһәрендә яши. Алабуга реаль училищесен (1916), Константинов артиллерия училищесен (1917), командирлар составын камилләштерүнең артиллерия курсларын (1926), Югары академия курсларын (1930), М.В.Фрунзе исемендәге Хәрби академияне (1933, Мәскәү), СССР Кораллы Көчләре Генштабының К.Е.Ворошилов исемендәге Хәрби академиясен (1938) тәмамлый.

ГЫЙНИЯТУЛЛИН ГАББАС ГЫЙНИЯТУЛЛА УЛЫ

ГЫЙНИЯТУЛЛИН Габбас Гыйниятулла улы (15.5.1905, хәзерге Чистай районы Кызыл Ялан авылы - 13.4.1968, шунда ук), Советлар Союзы Герое (17.11.1943), сержант (1943). 1927-29 елларда һәм 1941 дән Кызыл Армиядә. 1941нең июленнән Бөек Ватан сугышы фронтларында, 69 нчы механикалаштырылган бригаданың (3 нче гвардия танк армиясенең 9 нчы механикалаштырылган корпусы) танкка каршы атучылар отделениесе командиры. Брянск, Үзәк һәм Воронеж фронтлары гаскәрләре составында Орёл һөҗүм операциясендә (1943), Украинаны азат итүдә катнаша.

ГЫЙЛЬМЕТДИНОВ ГАЙФЕТДИН ГЫЙЛЬМЕТДИН УЛЫ

ГЫЙЛЬМЕТДИНОВ Гайфетдин Гыйльметдин улы (13.1.1913, хәзерге Балтач районы Смәел авылы - ?), Советлар Союзы Герое (19.3.1944), гвардия сержанты (1943). Туган авылында колхозда эшли. 1938-40 елларда һәм 1941 дән Кызыл Армиядә. Хәсән күле янында япон милитаристларына каршы бәрелешләрдә (1938) һәм совет-фин сугышында (1939-40) катнаша. 1941 нең июленнән Бөек Ватан сугышы фронтларында, 120 нче гвардия укчы полкның (8 нче гвардия армиясенең 39 нчы гвардия укчы дивизиясе) пулемёт отделениесе командиры.

Pages

Subscribe to Дан битләре