Труженики тыла

.ГАНИЕВ СӨЛӘЙМАН ГАПТЕЛГАНИ УЛЫ. (1931-1996).

Урта Нырты авылында туган һәм җирләнгән. Сугыш елларында “Амур” колхозында эшли. “1941-1945 нче елдагы Бөек Ватан сугышында батыр хезмәте өчен”медале белән бүләкләнә (№ 1379429 от 22.03.1995)

АБДУЛЛИНА ТӘГЪЗИМӘ АБДУЛЛИНОВНА

1927 нче елныӊ 11 июнендә Саба районы Чәүкә авылында дөньяга килә. Гаиләдә 5 нче бала булып туа, 4 малайга 1 кыз. Сугыш башланганда, Тәгъзимә апага 14 яшь була.Сугыш башлануга, әтисен окоп казырга алалар, аннан исән-сау әйләнеп кайта, ләкин бик каты авырып үлеп китә. Сугышта бертуган өч абыйсы һәлак була: Нигъмәтҗан, Гатаулла, Нигъмәтулла. Бары берсе - Нурулла исемлесе генә исән кайта.

АБДУЛЛИНА ХӘЛИМӘ

Сугышның беренче көннәре Хәлимә апаның 12 яшьлек чагына туры килә. Шул вакытта ул җилкәсенә почтальон сумкасы асып, күрше Янурыс авылыннан хат ташый. Сугыш вакытында Азалак иң зур авылларның берсе була. Биредә һәр йортта диярлек ир-атлар фронтка алына. Бер нигездән дүртәр-бишәр кешенең илне дошманнан азат итәргә киткән очракларда аз булмый.

АБРАМОВ АЛЕКСЕЙ ЗАХАРОВИЧ

Абрамов Алексей Захарович. Место жительства: с.Ново-Шешминск Ново-Шешминский район ТАССР . В годы Великой Отечественной войны работал в Новошешминской МТС трактористом. Награжден медалью "За доблестный труд в Великой Отечественной войне 1941–1945 гг." (Акт от 28 апреля 1947 г., фонд 3610, опись 2, дело 174, лист 19). Источник: Национальный архив Республики Татарстан.

АБРАМОВА АНТОНИДА НИКОЛАЕВНА

Әтисе Николай Кузнецов, урман эшчесе, гаиләсе белән Чаллы леспромхозының Соболеково торак пунктында яши. Әнисе иртә вафат булгач, Антонида сеңлесе белән ят ана тәрбиясендә кала. Үги ананың ияреп килгән кызы да бар. Әтисе Николай Агафоновичка фронтка чакыру кәгазе килсә дә, күзе зәгыйфь булгач, аны тылда, урман кисүдә калдыралар. Урман эше авыр, биек-биек агачларны аркылы пычкы белән кисеп аударырга, делянка читенә чыгарып өяргә кирәк. Юллар төшүгә (анысын да чистартып, чана-арба йөрерлек хәлдә тотарга туры килә) бүрәнәләрне атлар белән тарттырып озату зур көч сорый.

АИТОВА НӘКЫЯ ӘБЕЛНӘГЫЙМ КЫЗЫ

Нәкыя апа 1923 елда Башкортстан АССРның Бүздәк районы Сабай авылында дөньяга килгән. Җиденчене тәмамлаганнан соң куяннар үрчетү фермасы мөдире булып эшләгән. 1946 елда авыл егете Хәсәнгә кияүгә чыккан. Алар ире белән алты бала тәрбияләп үстергәннәр. Балалары барысы да тормышта үз урыннарын тапкан. Хәзер инде үзләре балалар һәм оныклар үстерәләр. Сугыш һәм аннан соңгы авыр елларны искә алганда Нәкыя апаның күзләре дымлана.

АЛЕКСАНДРОВА МӨҺӘЛЛИЛӘ ГАТИЯТУЛЛА КЫЗЫ

Александрова Мөһәллилә Гатиятулла кызы 1915 елның 17 октябрендә Сарман районы Урта Кәшер авылында урта хәлле крестьян гаиләсендә туган. 1932 елның май аенда Карамалыда ачылган укытучылар курсына укырга бара һәм август аенда аны тәмамлый. Октябрь аеннан Югары Баграж башлангыч мәктәбендә укыта башлый. Хезмәттәше Александров Алексей белән тормыш коралар. 1934-1942 елларда Рангазар, 1942-1943 елларда Мостафин, 1943-1944 елларда Иске Минзәләбаш, 1948-1949 елларда Янурыс авылларында укыта.

АМИНОВ ВАГЫЙЗЬ КӘРИМ УЛЫ.

Аминов Вагыйзь Кәрим улы 1924 нче елның 24 нче февралендә Сарлы авылында урта хәлле крестьян гаиләсендә туган.1931 нче елда Сарлы җидееллык мәктәбенә укырга керә.Мәктәпне 1938 нче елда тәмамлый. 1938-1941 нче елларда Тымытык урта мәктәбендә белеем ала.1941 нче елның көзендә Яшел Үзән шәһәренә ФЗО га җибәрелә.1942 няе елда ялга кайткач , военкоматка барып фронтка китәргә теләген белдерә.Балтик флотында хезмәт итә, Ленинград сугышында катнаша.1944 нче елда яраланып авылга кайта.