Труженики тыла

Нәсимә апа 1928 елның 3 сентябрендә Әгерҗе районы Тирсә авылында Афзалетдин һәм Бибигайшә гаиләсендә җиденче бала булып дөньяга килә.1930 нчы елда әтисе үлә. Әтисен дә күреп кала алмыйча энесе Фидаиль туа. Нәсимә апа 1936 нчы елда 1 сыйныфка укырга керә. Ул 6 нчы сыйныфны тәмамлаган елны сугыш башлана. Сугыш башлануга 2 җизнәсен, бертуган абыйсын сугышка алалар. Абыйсының сугыштан бер хәбәре дә килми. Бераздан хәбәрсез югалды дигән хәбәре килә. Бер җизнәсе сугыштан яраланып кайта, икенчесе үлеп кала. 1943 нче елда Нәсимә апа 7 еллык мәктәпне тәмамлап, Иж-Бубый мәктәбенә укырга бара.

1921 нче елның 8 нче декабрендә Язлы Арташ авылында дөньяга килә. Гаиләдә 6 бала булалар. Сугыш башланган хәбәр яшьүсмер кызларга аяз көндә яшен суккандай булган. Сугыш башлангач, Апас районына окоп казырга алып китәләр. 1944 нче елда Мөһәрләмов Мөбәхәр белән тормыш коралар. 1945 нче елдан конюх булып эшли башлый. Алар алты бала табып, бишесен тәрбияләп үстерәләр. Тыл ветераны хәзерге көндә Язлы Арташ авылында төпчек баласы тәрбиясендә яши.

Насыбуллина Бибизакирә Дәүләтша кызы Апас районы Шыгай авылында 1918 елның 1 ноябрендә туа. Акча эшләү нияте белән Закирә апа, әтисе белән Мәскәү шәһәренә килә. Шунда тормыш иптәше белән таныша, кавыша, кызлары туа. Сугыш башлангач, ире беренчеләрдән булып сугышка китә. 9 айлык бала белән Закирә апа бер үзе зур шәһәрдә кала һәм тәвәкәлләп, туган авылына юл тота. Мең газаплар белән, әнисе янына кайта. Окоп казуга, урман кисүгә йөри, колхозда төрле эшләрдә эшли, атлар карый.

Тыл ветераны Насыйрова Мәрьям Җиһанша кызы 1934нче елның 30нчы апрелендә Апас районы Болын - Балыкчы авылында хәлле гаиләдә дөньяга килгән. Әтисе Җиһанша хуҗалыгында 50 баш терлек-туар асраган. 1937нче елда туганнары аларның гаиләсен Себергә алып китә. Чита өлкәсе Магочин районында гомер итәләр. Алар казармада яшәгәннәр. 1942нче елда әтисе, үзе теләп, Бөек Ватан сугышына китә һәм вафат була. Барлык авыр хезмәт әнисе Сәүдәгә, абыйсы һәм 10 яшьлек Мәрьям җилкәсенә төшә. Барлык авырлыкларны күрәләр.