Сугышта катнашучылар

АПАС АВЫЛЫНДА ЯШӘҮЧЕ СУГЫШ ҺӘМ ХЕЗМӘТ ВЕТЕРАНЫ ФӘРИТ АБЫЙ ЮНЫСОВ 4 ЕЛЛЫК ХӘРБИ ХЕЗМӘТЕНЕҢ ИКЕ ЕЛЫН КЫТАЙ, КОРЕЯ ҖИРЛӘРЕНДӘ ҮТКӘРӘ

Беренче номерлы хәрби-почта станциясендә шофер булып хезмәт итә Ул Пхеньянга 7 тапкыр бара. Юлда өч машинасы яна. Икенчесендә бик каты пешеп, Кытайның Чаньчунь госпиталендә дәвалана. Икенче мәртәбә “воронкада“ кич кунганда туфрак астында калып контузия ала. Тагын госпитальгә эләгә. Фәрит абый туган җир туфрагына 1953 елның гыйнварында гына кайта. Тыныч тормышта да намус белән хезмәт итә ул. Колхозда шофер, аннан һөнәр училищесында мастер булып хезмәт итә.

МИРСАЛИХ ЯНГИРОВ

Район башлыгы Разиф Кәримов Бөек Ватан сугышында катнашкан ветераннарның өенә барып, аларны Җиңү көне белән котлап, җиңүгә керткән өлешләре өчен рәхмәт сүзләрен җиткерде. Шәһәрдә яшәүче Мирсалих Янгиров та район башлыгыннан котлау кабул итте. Разиф Кәримов ветеранга үз исеменнән, РФ Дәүләт Думасы депутаты Айрат Хәйруллин, “МНКТ” җаваплылыгы чикләнгән ширкәте директоры Тимур Шәймиевнең бәйрәм уңаеннан бүләкләрен тапшырды. Мирсалих аганы Ринат Фәрдиев исемендәге татар гимназиясе укучылары исә матур чыгышлары белән сөендерде.Мондый котлаудан, игътибардан Мирсалих абый бихуш калды.

МИРСАЛИХ ЯНГИРОВ

Район башлыгы Разиф Кәримов Бөек Ватан сугышында катнашкан ветераннарның өенә барып, аларны Җиңү көне белән котлап, җиңүгә керткән өлешләре өчен рәхмәт сүзләрен җиткерде. Шәһәрдә яшәүче Мирсалих Янгиров та район башлыгыннан котлау кабул итте. Разиф Кәримов ветеранга үз исеменнән, РФ Дәүләт Думасы депутаты Айрат Хәйруллин, “МНКТ” җаваплылыгы чикләнгән ширкәте директоры Тимур Шәймиевнең бәйрәм уңаеннан бүләкләрен тапшырды. Мирсалих аганы Ринат Фәрдиев исемендәге татар гимназиясе укучылары исә матур чыгышлары белән сөендерде.Мондый котлаудан, игътибардан Мирсалих абый бихуш калды.

ЧҮРИБУРАШ АВЫЛЫННАН ГАДЕЛҖАН АБЫЙ ГАБИДУЛЛИН ЯУ КЫРЫН КИЧЕП, 1947 ЕЛДА ТУГАН АВЫЛЫНА ӘЙЛӘНЕП КАЙТА

Озак еллар колхозда эшләп лаеклы ялга чыга. Тормыш иптәше Диләфрүз апа белән 64 ел парлы гомер кичерәләр. – 1944 елда, 18 яшем тулу белән сугышка киттем. Сугышчан юлым озын. Туфрак астында күмелеп үлемнән калдым. Тән һәм йөрәк яраларым бик тирән, – ди ветеран. Гаделҗан абый озак еллар колхозда хезмәт итә. Бүген ул балаларының хөрмәтен тоеп гомер итә.

ӘГЪЛӘМ АБЫЙ БИЛАЛЕТДИНОВ СУГЫШКА 1943 ЕЛНЫҢ 20 ОКТЯБРЕНДӘ КИТӘ

“Әти, хәтта, Казанга кадәр озата барды“, – дип искә ала ул. Сугышның иң кызган мәлендә Монголиягә килеп эләгә. Аннан соң Японнар белән бәрелештә катнаша. Биредә аның кулбашы яралана. Владивосток шәһәрендә госпитальдә 4 ай ята. Сугыш тәмамлангач, хәрби хезмәттә кала. Туган нигезенә 7 елдан соң гына әйләнеп кайта. Иң элек туган авылында колхозда хезмәт итә. Райпода эшләп лаеклы ялга чыга. Ул тирә-якта оста умартачы буларак та таныш.

БОРНАШ АВЫЛЫННАН ШӘРИФҖАН СӨЛӘЙМАНОВ СУГЫШНЫ ҮЗ КҮЗЛӘРЕ БЕЛӘН КҮРГӘН, МЕҢЛӘГӘН КОРБАННАРНЫҢ ШАҺИТЫ БУЛГАН МӨХТӘРӘМ ВЕТЕРАННАРНЫҢ БЕРСЕ

1942 ел. Сугышның очы-кырые күренми. Шул чорда Шәрифҗан абыйның хәрби хезмәткә алыныр вакыты җитә. Армиягә алынгач, берничә ай күнекмәләр алалар, Барнаул шәһәрендә сугыш кораллары белән эш итәргә өйрәтәләр. Аннан соң ул Калинин фронтына җибәрелә, 37нче укчы дивизиясендә хезмәт итә. Украина, Молдавия, Румыния, Венгрияне дошманнардан азат итүдә катнаша. Сугыша-сугыша Чехославакиягә барып җитә. Шәрифҗан абый Җиңү көнен Прага шәһәрендә каршылый. Туган авылында озак еллар бригадир булып хезмәт итә. Бүгенге көндә Казанда яши.

СУГЫШ БАШЛАНГАНДА АПАСТА ЯШӘҮЧЕ МӨХӘММӘТХАМИС АБЫЙ ХИСАМЕТДИНОВКА 17 ЯШЬ БУЛА

1944 елның октябрендә ул Саратов өлкәсенең Пугачев шәһәрендәге 27нче артиллерия полкына сержантлар мәктәбенә чакырыла Хәрби укулар үткәннән соң Куйбышев шәһәренә корал төзәүче булып җибәрелә. Яшь солдат Җиңү көнен Куйбышев шәһәрендә каршылый. Мөхәммәтхамис абый күпчелек гомерен элемтә тармагына багышлый. 22 ел дәвамында элемтә линияләре электромонтеры булып эшли. Хамис абый бүгенге көндә социаль хезмәткәр Лилия Хәсәнованың ярдәмен, кайгыртуын тоеп яши. “Үз кызым кебек. Мине аңлый да, тәрбияли дә, исән генә булсын“, – ди ветеран.

МӨХТӘРӘМ ВЕТЕРАН ШӘЙХЕТДИН МИҢНЕБАЕВ КЫЛЧЫК АВЫЛЫНДА ГОМЕР ИТӘ. АНЫҢ ТОРМЫШ ЮЛЫ ЯШЬ БУЫНГА ҮРНӘК

Шәйхетдин абый хәрби хезмәткә 1943 елда чакырыла. Икенче Украина фронтында хезмәт итә ул. Каты бәрелешләрдә берничә тапкыр яраланып, госпитальләрдә дәвалана. Кыю, тәвәккәл солдат батырлыклары өчен күп санлы орден-медальләр белән бүләкләнә.

ШЫГАЙ АВЫЛЫНДА ЯШӘҮЧЕ СУГЫШ ҺӘМ ХЕЗМӘТ ВЕТЕРАНЫ АМАНУЛЛА АБЫЙ ГЫЙБАДУЛЛИННЫҢ СУГЫШЧАН ЮЛЫ 1943 ЕЛДА БАШЛАНА

Аларны иң элек Буага алып китәләр. Аннан Горький өлкәсенә җибәрәләр. Аманулла абый 6 ай дәвамында снайперлар әзерләү мәктәбендә хәрби күнекмәләр ала.

Pages

Subscribe to Сугышта катнашучылар