Сугышта катнашучылар

Акыллылар: “Тыйнаклылыкның да чамасы булырга тиеш”, - дип әйткәннәр. Кирәгеннән артык тыйнаклануның кирәге юк, дигән мәгънә бирелгән бу сүзләрдә. Хәлбүки, кешеләрнең холык- фигыльләре бер төсле түгел шул: берәүләр чебеннән фил ясыйлар, икенчеләр филне дә чебен чаклы итеп күрсәтергә яратмыйлар.. Сугыш һәм хезмәт ветераны Хәмит ага Мәүлитовны мин шундыйларның икенче төркеменә кертер идем.

Кәлимуллин Хәмзә Нәбиулла улы 1912 елны Уфа губерниясе Минзәлә өязе (хәзерге Сарман районы) Иске Кәшер волосте Анак авылында туган. Сугышка кадәр ул Ленинград хәрби академиясен тәмамлаган.1939-1940 нче елларда 455 нче укчылар полкының 42 нче укчылар дивизиясе составында лейтенант дәрәҗәсендә Совет- Финляндия сугышында катнаша. Разведка бүлеге командиры була. Хәрби бурычны үтәгәндә алар чолганышта калалар. 1940 елның 16 февралендә Мурино-Лужки авылы янындагы сугышта һәлак була. Беренче күмү урыны - Карьялайнен авылы.

1926 елның 17 апрелендә Иске Кадермәт авылында туа, шунда тормыш итә. 1943 елның 6 нояберендә 17 яшь ярым чагында яуга чакырыла. Кырым, Кавказ, Балтика буендагы сугышчан хәрәкәтләрдә катнаша. Җиңү бәйрәмен Вильнюста каршылый. 1950 ел азагында авылына кайта. "Батырлык өчен" һәм юбилей медальләре,I дәрәҗә Ватан сугышы ордены белән бүләкләнә. Хәрби дәрәҗә-өлкән сержант. Механизатор булып эшли. 1986 елда лаеклы ялга чыга. ТР атказанган механизаторы, атказанган колхозчы исемнәренә лаек була.

Любимов Владимир Яковлевич Любимов Владимир Яковлевич 1925 елның 3 июлендә Алабуга районы Черкас авылында туа. Олы Шүрнәк җидееллык мәктәбен тәмамлап, ул 1940 елда Алабугада китапханәчеләр әзерли торган техникумга укырга керә. Әмма аңа укуны дәвам итәргә туры килми, Ватан сугышы башлана. Колхозда бераз кырчылык бригадасы бригадиры булып эшләгәннән соң, 1943 елның 15 гыйнварында ул Совет Армиясе сафларына чакырыла.