Апастовский

25 август – шагыйрь Муса Җәлил һәм аның көрәштәшләрен искә алу көне. Быел фашистлар Германиясенең Берлин янәшәсендәге Плетцензее шәһәрчеге - Моабит төрмәсендә җәлилчеләр каршылык төркеме җәзалап үтерелүенә 77 ел тула. Илебез тынычлыгы өчен башларын салган батыр җәлилчеләрне Апаста да зурлап искә алдылар. Әлеге хәтер чарасында район башлыгы Равил Хисаметдинов, Татарстан Республикасы Премьер-министры урынбасары Васил Шәйхразиев катнашты һәм район үзәгендәге “Моабит дәфтәре“ дип аталган җәлилчеләр һәйкәленә чәчәкләр салдылар.

Акъәбигә Шәмбалыкчы авыл җирлеге башлыгы Физзәт Миңнуллин олы хөрмәт белдереп, Ил башлыгының Котлау хатын, район башлыгының котлау открыткасын, истәлекле бүләк тапшырды.

“Аллага шөкер, яшим әле”, - дип каршылады акъәби үзенең гомер бәйрәмен.

Гомере буе авылдашларының сәламәтлеге сагында торган акъәби 90 яшьлек олы юбилеен каршылады. Вера әби тумышы белән Мордовия республикасыннан. Чувашиянең Алатыр медицина училищесында белем алганнан соң, ул махсус юллама белән Апас районының Ындырчы авылына эшкә килә. Бер сүз дә татарча белмәгән яшь кыз авыл халкы белән уртак тел табу өчен татар телен өйрәнүгә керешә. “Татарча сүзләрне дәфтәргә язып алып, төннәр буе ятлап, исемдә калдырырга тырыша идем. Әнә шулай татар телен өйрәндем”, - дип искә ала ул.

Каратунда гомер итүче Хаҗирә әби Сабировага 90 яшь тулды. Хаҗирә әби Сабированың гомер юлы авыр физик хезмәт аша үткән. Ул төзелеш эшләрендә штукатур-маляр, төрле оешмаларда техник хезмәткәр булып эшләгән. Өендә дә уңган, эш сөючән хуҗабикә булган. “Әниебез шушы көнгә кадәр барыбызны да камырлы ризыклары белән сыйлый иде. Туй дисеңме, мәҗлес дисеңме - авылдашларына да һәрчак ярдәмгә чапты. Әле бәйләүләрен дә күптән түгел генә ташлады. Кофталар, шәлләр, башмаклар бәйләргә яратты“, - дип сөйли кызы Фәйрүзә апа.

Мәсбия әби бер гасырлык юбилеен үз акылында булып, үз аякларында йөреп, күзләре белән күреп, шаяртып-көлеп, изге догалары белән каршылады.

“Кечкенә авылларда Җиңү парады“ республикакүләм акциясенә районыбыз да кушылды. Барлык авылларда да Бөек Җиңү көне уңаеннан митинглар узды. Сатмыш авылында олысы-кечесе Бөек Ватан сугышында Җиңүнең 76 еллыгын бәйрәм итәргә җыелды. Ак яулыклы апалар, өлкән абзыйлар, сугыш чоры балалары чыгышлардагы һәр сүзгә кушылып, илгә-көнгә тынычлык, татулык теләп утырды.

Һәр ел саен Бөек Җиңү көнендә Апас мәктәбе укучылары Җиңү паркындагы Билгесез солдат һәйкәленә венок һәм чәчәкләр сала. Алар традициягә быел да тугры калды. Равил Гомәров җитәкчелегендә 8 класс укучылары Җиңү паркына килде. Венок кую, батырларны искә алу чарасында район башкарма комитеты җитәкчесе урынбасары Луиза Сафина, Апас мәктәбе директоры Гүзәлия Зыятдинова да катнашты.

Тутай авылыннан, Ленинград блокадасының тере шаһиты булган Галия апа Гыйззәтуллина да хәтерне яңартып, акциягә үз өлешен кертте.

Җиңү парадының алдында – пехотаның хәрби машинасы иде. Әлеге машинаны район башлыгы Равил Хисаметдинов тәкъдим итте. Аннан соң, бизәлгән ретро-машиналар урын алды.