Мәктәпнең тарих укытучысы Гөлфирә Зәкиева оештырган «Сугыш урлаган балачак» дип исемләнгән кичәгә сугыш чоры авырлыкларын арык җилкәләрендә күтәргән авылның сугыш чоры балалары чакырылган иде. Алар үз башларыннан кичкәннәрне балаларга гыйбрәт итеп, балалар бүгенге тормышларының кадерен белеп үссен дигән теләкләр белән бәян итте. Укучылар өлкәннәргә шигырьләр, җырлар бүләк итте.