Таһиров Солтанхәмит  Таһир улы армиягә киткәнче Сарман районы Иске Имән авылы мәктәбендә эшли. 1940 елда хәрби хезмәткә чакырыла. Фин сугышында катнаша. 1941 елның июнь иртәсен 45 миллиметрлы орудие расчеты командиры булып каршылый. Сугышка Смоленск тирәсендә керә.

Әтисе Таһирга, әнисе Талигага язган хаттан өзек:

“Әткәй, әнкәй! Авыр тормышта калдыгыз инде, ләкин нишлисең, түзәргә туры килә. Бөтен дөньясына килгән фаҗига бит. Тизрәк күрешүләр насыйп булсын ...”