КАТКОВ АНДРЕЙ АРХИПОВИЧ
Андрей Архипович Катков Татарстан Республикасы Тәтеш районында 1918 елның 27 нче декабрендә туа. 1939 нчы елда Кызыл Армиягә алына, Бөек Ватан сугышының беренче көннәреннән үк фронтка китә, Сталинград янындагы бәрелешләрдә катнаша. 91 нче укчылар дивизиясенең 321 нче артиллерия полкы составында Украинаны азат итә, Мелитополь, Перекоп өчен барган сугышларда катнаша, Сивашны кичеп чыга һәм Кырымны дошманнан азат иткәндә күрсәткән батырлыгы өчен бүләккә лаек була.