ХУРАМШИНА ШӘМСЕНУР БӘГДАНУР КЫЗЫ
1930 елның 27 апрелендә Саба районы Иләбәр авылында туа, семьяда 5 нче бала була, аннан соң 1 сеңлесе, 1 энесе туа. Шәмсенур Иләбәр мәктәбендә 3 ел белем ала. Елларның авырлыгы укырга мөмкинлек бирми, аңа 11 яшь булганда сугыш башлана. Ул бер кая да китмичә шул авылда хезмәт куя. Кырдагы тракторга чиләк-көянтә белән су ташый, дуңгызлар карый, кырда урак ура, болында печән чаба, барлык эшләрне кул белән башкаралар. Солдатларга бияләй, носки бәйлиләр. Шәмәрдәннән, орлыкка дигән ашлыкны, күтәреп ташыйлар.