Тыл ветераны белән очрашу
11 февраль көнне Александровка урта гомумбелем бирү мәктәбендә тыл ветераны Зарипова Галия апа белән очрашу булды. Ул башлангыч сыйныф укучыларына үзенең сугыш чорындагы балачагы, ачы язмышлары турында сөйләде. Үз абыйлары турында истәлекле язмалар, фотосурәтләр белән таныштырды. Хәзерге мәктәп белән элеккеге уку шартларын чагыштырып, балаларда үткәннәргә кызыксыну уятты; дөньяларның тыныч булуын, балаларның якты ,матур мәктәпләрдә тырышып укуларын теләде.