Муса Җәлил һәм Апас кешеләренең аңа бәйләнеше
16 февраль көнне бөек герой-шагыйрь Муса Җәлилнең 110-еллыгы уңаеннан Апас туган якны өйрәнү музеенда гаять зур тантаналы чара узды.
16 февраль көнне бөек герой-шагыйрь Муса Җәлилнең 110-еллыгы уңаеннан Апас туган якны өйрәнү музеенда гаять зур тантаналы чара узды.
23 февраль көнне Апас мәдәният йортында Ватанны саклаучылар көне уңаеннан сугыш һәм хезмәт ветераннары өчен район Советы, муниципаль район башкарма комитеты тарафыннан бәйрәм чарасы үткәрелде. Биредә килгән кунакларга концерт программасы тәкъдим ителде. Олуг ветераннарыбызны тәбрикләү белән беррәттән, күләмле ремонттан соң, район үзәгендәге балалар бакчалары ачылу тантанасы да узды. Район башлыгы тарафыннан истәлекле бүләкләр һәм чәчәк бәйләмнәре тапшырылды. Тамашачылар тарафыннан әлеге чара бик җылы кабул ителде.
Район үзәк балалар китапханәсендә дә Муса Җәлилнең 110 еллыгы уңаеннан “Мәңгелек шагыйрь“ исемле кичә үтте. Биредә китапханәче Венера Сафина җитәкчелегендә 5 “А“ классы укучылары катнашты. Герой шагыйрьнең тормыш һәм иҗат юлын үз эченә алган эчтәлекле кичәдә алар белемнәрен тагын да ныгыттылар. Төрле сорауларга җавап биргәндә, кроссвордлар чишкәндә бер дә югалып калмадылар.
Рәхимсез сугыш афәте турында китаплардан укып, кинолардан күреп кенә белгән бүгенге яшь буында туган Ватаныбызга карата патриотик хисләр тәрбияләү ата-ананың, тәрбиячеләрнең, укытучыларның һәм китапханәчеләрнең төп бурычы. 15 февральдә Советлар Союзы Герое, патриот шагыйрь Муса Җәлилнең тууына 110 ел булды. Шул уңайдан, авылыбызның мәдәният йортында укытучылар белән берлектә китапханәче Гөлнур Илалова "Җырларым, сез шытып йөрәгемдә..." дип исемләнгән әдәби-музыкаль кичә уздырды.
Яшүсмер чагында дәһшәтле сугышның ачысын татыган, гомере буе туган җиргә хезмәт иткән тыл ветераны Садыкова Мәдинә апа бүгенге көндә Казанда балалары янәшәсендә яши. Олуг юбилее белән аны район башлыгы урынбасары Марат Нуриев тәбрикләп Рәсәй Президентының Котлау открыткасын, район башлыгы һәм Шәмбалыкчы авыл җирлеге исеменнән чәчәк бәйләме, истәлекле бүләк тапшырды.
Морзалар авылында гомер кичереп, бүгенге көндә Казанда яшәүче хезмәт һәм тыл ветераны Гыйззәтуллина Саймә апа истәлекле туган көн бәйрәме уңаеннан котлаулар кабул итте. Рәсәй Президентының Котлау открыткасына, район башлыгының чәчәк бәйләменә, Шәмбалыкчы авыл җирлегенең истәлекле бүләгенә ихластан рәхмәтләрен укыды. Бу бүләкләрне аңа район башлыгы урынбасары Марат Нуриев тапшырды.
Муса Җәлил Оренбург өлкәсе Мостафа авылында 1906 елның 15 февралендә туа. Үзенең иҗаты яшүсмер чагыннан ук башлана, Казан, Мәскәү матбугатларында эшли, шигырьләрен бастыра. 1930 нче елларда Муса Җәлил Мәскәүдә “Яшь эшче” газетасында эшләгәндә, безнең якның Чүрибураш авылы яшьләре - Минвәли Мингалиев белән Мотыйгулла Гыйсмәтуллин да типографиядә хәреф җыючы булып хезмәт итәләр. Алар шагыйрьне физик яктан нык, җитез кеше буларак истә калдырганнар. Ул кыш көннәрендә, ял сәгатьләрендә, паркка чыгып чаңгыда шуарга өндәгән, сәламәт яшәүне хуплаган.
Гөбәйдуллин Сафиулла Сәлимулла улы (15.8.1929, Буа кантоны Тутай авылы), кран машинисты, Социалистик Хезмәт Герое (1971). Тәрҗемәи хәле 1948-52 елларда Кузбасс шахталарында эшли. 1953-96 да Казан «Гидроспецстрой» идарәсендә электромонтёр, төзелеш техникасын ремонтлау слесаре, копёр машинисты, монтаж краны машинисты. Герой исеме капиталь төзелеш буенча бишьеллык план йөкләмәләрен уңышлы үтәгәне өчен бирелә. Мактаулы исемнәре һәм бүләкләүләре Ленин ордены, Хезмәт Кызыл Байрагы ордены, медальләр белән бүләкләнә.
Апас районы Тутай авылында 9 май көнне Бөек Җиңүнең 71 еллыгына һәйкәл янында митинг уздырылды. Бәйрәмгә тыл ветераннары, сугыш чоры балалары чакырылды. Батырлар хөрмәтенә концерт, һәйкәлгә венок һәм чәчәкләр куелды. Бәйрәмгә килгән кунаклар Сара Садыйкова музеенда да булдылар һәм истәлеккә фотога төштеләр. Соңыннан үткән хәтирәләрен искә төшереп чәй өстәле янында дәвам иттеләр .
Шәмбалыкчы авылында Батырлар һәйкәле каршында митинг булып узды. Бөек җиңүнең 71 еллыгына багышлап "Беркем дә, бернәрсә дә онытылмады!" дигән исем астында өлкәннәребез хөрмәтенә бик матур бәйрәм оештырылды.