Яңалыклар

Шәмсенур апаның хәтеренә шаккатырлык. Миңа аның белән редакциядә өч кенә ел эшләргә туры килде. Инде менә пенсиягә чыкканына да кырык ел булган. Үзе белән эшләгән һәркемнең туган елын гына түгел, көненә кадәр истә тота. — Күрше–тирәдәге балаларның туган көнен белә. Катлаулы кроссвордлар чишә, — ди килене Резеда. Килене дигәнне кызы дип язсаң да ялгыш булмас иде. Ана белән кыз да алай ук булып бетә алмас. Утыз елдан артык бер–берсен күз карашыннан аңлап, хөрмәт итеп, шундый матур итеп яшиләр.

Яңа Әхмәт авылында яшәүче Сөләйманова Нуриәсма Миргалим кызына бүген, 1 февральдә, 95 яшь тулды. Аны олы юбилее белән район башлыгы урынбасары Гүзәл Гәрәева котлады, Россия Федерациясе Президенты Владимир Путинның Котлау хатын, кыйммәтле бүләк тапшырды.

1944 нче елның 27 гыйнвары - Ленинградның камалыштан чыккан көне. Бөек Ватан сугышы тарихындагы бөек вакыйгага 72 ел тулды. Ленинград 1941 елның 8 сентябреннән 1944 елның 27 гыйнварына кадәр - 872 көнгә камалышта кала. Анда яшәүчеләр өчен бу үлем исе аңкып торган иң авыр 872 көн була. Зур шәһәрләрне шулай озак саклауга мисаллар хәтта дөнья тарихында да юк. Шәһәрдә 2,5 миллион кеше кала. Ленинградның тиңдәшсез батырлыгы тарихка халыкның гаҗәеп кыюлыгы һәм геройлыгы эпопеясы булып кереп калды.

Тыл хезмәтчәне, хезмәт ветераны, тулы Дан орденнары кавалеры Павел Алексеевич Карповның тол хатыны Татьяна Андреевна якыннары арасында үзенең юбилеен билгеләп үтте. Тормышындагы шушы истәлекле вакыйга белән ветеранны район башлыгы урынбасары Сергей Тюнев, ветераннар оешмасы рәисе Михаил Тюленев, социаль хезмәт вәкилләре җылы котлады һәм аңа чын күңелдән сәламәтлек, имин, тыныч тормыш, бәхетле картлык теләделәр.