Актаныш Туган як музеенда, Бөек Җиңүнең 70 еллыгы тулу уңаеннан, Тыңламас авылында яшәүче Бөек Ватан сугышы ветераны - Хәсән Талиповка һәм аның тормыш иптәше Фәвәзә апага багышланган "Алар Ватан өчен көрәштеләр" исемле видеофильм күрсәтелде.
Һәркемнең диярлек туганнары, якыннары Бөек Ватан сугышында катнашканнар. Аларның күбесе яу кырында ятып калганнар, хәбәрсез югалучылар да шактый. Әгәр дә сезнең сугышта катнашкан берәр кешене табасыгыз килә икән, "Халык хәтере" ("Память народа") сайтына керегез.
22 майда Казан шәһәрендә пенсионерларның «Өченче яшь» дип исемләнгән V Комплекслы республика Спартакиадасының финал этабы узды. Ул Бөек Җиңүнең 70 еллыгына багышланган иде. Анда Республиканың авыл районнарыннан – 27, шәһәрләрдән 9 команда 6 спорт төрендә көч сынаштылар. Спартакиадада Сарман районы командасы да актив катнашты. Җәлил бистәсеннән Геннадий Зыков шахмат буенча икенче урынга лаек булды.
Мине хезмәттәшләрем һәм укучыларым Әлфия Абзаловна дип йөртәләр. Үз исемем дә, әтиемнең исеме дә җиңел әйтелә һәм истә кала торган. Ләкин документлар тутырганда әтиемнең исемен Миннеабзалетдиновна дип язалар. Әлбәттә, бу укытучылар арасында да, укучылар арасында да уңайсызлыклар китереп чыгара. Мондый озын исемне кем уйлап тапкан, әйтеп тә, язып та бетерә торган түгел, диләр.
Никольск авылының “Сударушка” фольклор ансамбле 500 мең сумлык сертификатка лаек булды.
Елдагы традиция буенча Әтнә мәктәпләрендә укучы 10нчы сыйныф егетләре хәрби җыеннарда катнашу өчен Каенсар урманы янындагы аланлыкка җыелды. Әлеге биш көнлек җыеннарда 7 мәктәптән барысы 33 егет катнаша. Биредә барысы да хәрби хезмәттәгечә. Егетләр тактик күнегүләрдә катнаша, автоматтан атарга, строевой смотр, хәрби топографияне һәм Уставны өйрәнә. Шулдай ук ГТО нормативлары тапшыру һәм патриотик тәрбия бирү дә беренче урында тора. Җыендагыларны иртә һәм көндез Күшәр үзәкләштерелгән мәктәп ашханәсе ашатса, кичкә казанны чираттан үзләре асалар.
Бөек Җиңүнең 70 еллыгы уңаеннан Апаз урта мәктәбе укытучылар һәм укучылар коллективының иҗат концертлары үтте. Алар үз казаннарында гына кайнап калмады, чыгышлары белән күрше-тирә авыл халкын да куандырды. Һәркайсысы көчле алкышлар, ихлас рәхмәт сүзләре белән узды.
Казанбаш авылында яшәүче Зәйнәп Вәлиевага 15 майда 95 яшь тулды. Бу көнне муниципаль район башлыгы урынбасары Любовь Осина аңа Россия Федерациясе Президенты Владимир Путинның Рәхмәт хатын, район башкарма комитеты җитәкчесе Илшат Нуриевның котлавын, бүләк тапшырды. Зәйнәп әби әле үз көчендә, телевизор карый, газеталар укый. Хәзерге вакытта кызы Фаягөл гаиләсендә яши. Фаягөл Саттарова заманында районның алдынгы савымчысы иде. Зәйнәп 12 яшеннән колхозда эшли башлый, сыер сава, склад мөдире, кибетче була, нинди эш кушсалар, шуны башкара. Дүрт бала тәрбияләп үстерәләр.
Бүген, 22 май көнне Арча Укучылар сарае каршындагы асфальт төрле төстәге сурәтләр белән бизәлде. Биредә ел саен район күләмендә уза торган асфальтка рәсем ясау конкурсы булды. Темалар дүрт юнәлештә иде: әдәбият елына, Бөек Җиңүнең 70 еллыгына, парк һәм скверлар елына багышланган һәм ЮХИДИ белән берлектә юл йөрү кагыйдәләре буенча. Район җирлегендәге мәктәпләрдә укучы сәләтле балалар өч төрле яшь юнәлешендә көч сынашты: 7–8 яшьлекләр, 10–13 яшьлекләр һәм 14–18 яшьлекләр.
