Песәй авыл китапханәсе Песәй урта мәктәбенең 2-4 сыйныф укучылары белән (педагог-оештыручы Әхмәтгәрәева Г.Г.) "Көчле рухлылар: разведчиклар һәм партизаннар турында китаплар укыйбыз"III Бөтенроссия акциясенә кушылдылар. Акциянең оештыручысы булып "Китапханә - мәгълүмат үзәге"Талицк шәһәр округының муниципаль казна учреждениесе тора.
Акция кысаларында китапханәдә "Сугыш белән өзелгән балачак"дип исемләнгән хәтер сәгате узды. Балалар чираттагы тапкыр пионер-геройларның исемнәрен һәм батырлыкларын искә төшерделәр: Лена Голикова, Валя Котик, Лара Михеенко, Зина Портнова. Алар Бөек Ватан сугышы елларында олылар белән бергә фашистлар белән көрәшкә бастылар, кыйммәтле мәгълүмат тупладылар, күперләр шартлаттылар, завод һәм фабрика цехларында эшләделәр. Шул рәвешле, Бөек Җиңүгә зур өлеш керттеләр. "Сугыш турында хикәяләр", Н.Надеждинаның "Партизанка Лара"китапларыннан өзекләр укылды. Балалар кечкенә геройларның батырлыгы турында "Балалар - Бөек Ватан сугышы геройлары" дигән фильм карадылар.
