Мордывыйда яшәүче Хәдичә әби Муллахмәтовага 90 яшь тулды.  Аны олуг юбилее белән районы Советы аппараты җитәкчесе  Резидә Закирова, Тирсә авыл җирлеге башлыгы Рафил Закиров котладылар.

            Хәдисә әби гомере буе мәктәптә җыештыручы булып эшләгән. Җәмәгате, Бөек Ватан сугыш ветераны Кәшиф ага белән 50 елга якын дус-тату гомер кичереп, дүрт балага гомер биргәннәр. Кәшиф аганың бакыйлыкка күчәненә 14 ел инде. Бүген Хәдичә әби өлкән улы Әнис һәм килене Венера тәрбиясендә кадер-хөрмәттә яши.