Муса Җәлилнең тууына 110 тулу уңаенан Пүкәл авыл клубында,  16 февраль көнне, китапханә белән берлектә,  “Ак калфак” хатын-кызлар клубына йөрүчеләр белән, “Җәлил яши, Җәлил мәңгелек” дигән шигырь  кичәсе узды. Кичә барышында каһарман шагыйрьнең тормыш юлы искә алынды, әсәрләре кычкырып укылды. Клуб берләшмәсенә йөрүчеләр Муса Җәлилнең шигырьләрен яттан сөйләделәр, җырларын җырладылар.