Мәңгелек саф

АБДУЛЛИНА НУРФИКА АБДУЛЛА КЫЗЫ

1924 елның 2 декаберендә Азнакай районы Мәндәй авылында туа. Медицина училищасын тәмамлап Актаныш авылы Куҗәкә авылына эшкә билгеләнә. Авыл медпунктында фельдшер-акушерка хезмәтен башкарган яшь кыз 1943 елның 5 сентябернедә хәрби хезмәткә чакырыла. Сугыш чорында Нурфикә Абдулла кызы Казанда 5868 санлы эвакуация госпиталендә шәфкать туташы булып эшли.

АБДУЛЛИНА ТӘГЪЗИМӘ АБДУЛЛИНОВНА

1927 нче елныӊ 11 июнендә Саба районы Чәүкә авылында дөньяга килә. Гаиләдә 5 нче бала булып туа, 4 малайга 1 кыз. Сугыш башланганда, Тәгъзимә апага 14 яшь була.Сугыш башлануга, әтисен окоп казырга алалар, аннан исән-сау әйләнеп кайта, ләкин бик каты авырып үлеп китә. Сугышта бертуган өч абыйсы һәлак була: Нигъмәтҗан, Гатаулла, Нигъмәтулла. Бары берсе - Нурулла исемлесе генә исән кайта.

АБДУЛЛИНА ХӘЛИМӘ

Сугышның беренче көннәре Хәлимә апаның 12 яшьлек чагына туры килә. Шул вакытта ул җилкәсенә почтальон сумкасы асып, күрше Янурыс авылыннан хат ташый. Сугыш вакытында Азалак иң зур авылларның берсе була. Биредә һәр йортта диярлек ир-атлар фронтка алына. Бер нигездән дүртәр-бишәр кешенең илне дошманнан азат итәргә киткән очракларда аз булмый.

АБДУЛЛИНА ШАКИРЭ НУРТДИН

Абдуллина Шакирэ Нуртдин кызы 1926 елның 18 мартында Дәүләки авылында дөньяга килә. 4 классны Дәүләки авылында укый, ә аннан соң 7 классны Ябалак мәктәбендә укып чыга. Мәктәпне тәмамлаганнан соң колхозда төрле эшләрдә эшли, молотилкада икмәк суктыра, чегендер утый. Мәдәният йортында китапханәдә җыештыручы булып эшләп лаеклы ялга чыга. 1949 елнын гыйнвар аенда Дәүләки егете Сәетгәрәйгә кияүгә чыгып 6 бала тәрбияләп үстерәләр.

АБДУЛЛИНА ӨРФӘЙДӘ ВӘЛИУЛЛА КЫЗЫ

Абдуллина Өрфәйдә Вәлиулла кызы 1932 нче елның 10 маенда Лаеш районы Пәрәү авылында 1 нче бала булып дөньяга килә. Алар гаиләдә 4 бала үскәннәр. Унике яшь-тән урак урган, утын тураган. 1958 нче елга кадәр сарык фермасында эшләгән. Аннары 1982 нче елга кадәр яшелчә бакчасында хезмәт куйган. Барлык хезмәт стажы 42 ел. Пенсиягә чыккач та , терлекчелектә эшләвен дәвам итә. Хезмәтләре өчен “Фидакарь хезмәте өчен”, “Хезмәт ветераны” , юбилей медальләре белән бүләкләнә. Бүгенге көндә ике кызы тәрбиясендә яши.

АБДУЛХАКОВ ГАБДЕЛӘХӘТ АБДУЛХАК УЛЫ

Габделәхәт Абдулхак улы Абдулхаков Әтнә районы Әйшияз авылында яшәүче ветераныбыз 95 яшьлеген каршылады. 1920 елның 14 мартында дөньяга килгән Габделәхәт мәктәптә укып 7 сыйныф белем ала, 14 яшеннән колхозда төрле эшләр башкара. 20 яше тулгач, 1940 елның октябрендә армия хезмәтенә алына. Манчьжурия чигендә, 76-нчы полк 1-нче батальон З-нче рота 1-нче взвод 4-нче отделениедә кече сержант буларак отделение командиры вазифасын башкара.

АБДУЛХАКОВА (ГЫЙНИЯТУЛЛИНА) ХӘЛИМӘ ӘГЪЗӘМ КЫЗЫ

АБДУЛХАКОВА (ГЫЙНИЯТУЛЛИНА) ХӘЛИМӘ ӘГЪЗӘМ КЫЗЫ 1933 елда Баулы районы Ак-буа авылында әткәй Әгъзәм, инәкәй Нурикамал Гыйниятуллиннар гаиләсендә дөньяга килгәнмен. Сугыш чыккан дигән сүзне ишеткәндә, миңа 8 яшь, беренче сыйныфны гына бетергән идем. Шулай булса да, бу сүз миңа таныш иде. Хәзер елын хәтерләмим, әткәйне Фин сугышына озатканны хәтерлим. Безнең бәхеткә, аңа сугышка ук барып җитәргә Ходай язмаган. Сугыш туктап, кире кайтты, ул үзе теләп киткән булган Фин сугышына. 1941 елны яхшы хәтерлим: әткәй МТСта нефтебаза мөдире булып эшли иде.

АБЗАЕВ ФООТБАК МИННЕГАЛИ УЛЫ!

Абзаев Фоотбак Миннегали улы 1922 елның 1 апрелендә туып 18 яше тулу белән сугышка китә. Белорус фронтында 1944 елда каты яраланып, 80%тәне яна һәм аны үлгәннәр янына чыгаралар. Купмедер вакыттан соң командирлары исәнлеген күреп алып госпитальгә озаталар. 1944 елның көзендә туган ягына кайтып Куян авылында тагын 56 ел яшэп 5.12.2000 елда бакыйлыкка күчә.

АБЗАЛОВ ВАГЫЙЗ

1921 елда туган. 1941 елның апрель аенда Кызыл Армия сафларына алына. Сугышка 1942 елның декабрь аеннан керә. 1944 елны “Сугышта күрсәткән батырлык өчен” (“За боевые заслуги”) һәм “Сталиградны саклаган өчен” (“За оборону Сталинграда”) медальләре белән бүләкләнә.

АБЗАЛОВ МИРЗАЯН АБЗАЛ УЛЫ

Абзалов Мирзаян Абзал улы 1926 елның 18 августында Мортыш-Тамак авылында туган. Сугышка 1943 елның 10 ноябрендә алына. Бөгелмәдән поездка утыртып Ерак Көнчыгышка җибәрәләр. 22нче Кызыл Байраклы Чапаев исемендәге дивизия, 304 Новороссийск укчылар полкының пулеметчылар взводында, 8 ротының өлкән пулеметчигы булып хезмәт итә.