Труженики тыла

Фәүзия Сафа кызы Урта Балтай авылында гади крестьян гаиләсендә туып үсә. “Төрлесен күрергә туры килде инде” – дип искә ала Фәүзия апа. Авыр эш дип тормадык, окоп та казыдык, урман кисеп кул арбасы белән тартып ташыдык. Бервакыт Биябашы урманында атлары егылып үлә. “Урманда калдырсак, ышанмыйча ат түләттерерләр дип, өстерәп кайттык аның гәүдәсен “ – дип хатирәләрен барлый Фәүзия апа. Сугыш башланганны, әтисен һәм әтисенең энеләрен озатырга Апаска кадәр барганын да бик яхшы хәтерли ул.

Шәвәлиева Миннехаҗәр Галиәскәр кызы 1931 нче елның 6 нчы апрелендә Саба районы Түбән Утар авылында туа.Ул гаиләдә алтынчы бала булып дөньяга килә. Әтисе Сәйфетдинов Галиәскәр амбарда кладовщик булып эшләгән. Әнисе урак урган, көлтә бәйләгән.

Шәйдуллин Шакир Хәбибулла улы. 20.02.1930 - 11.01.1997 Әлки районы Чуаш Кичүе авылында ишле гаиләдә өченче бала булып дөньяга килә. Бөек Ватан сугышы елларында ана бары ун яшь була. Олырак ике абыйсы белән кырда эшли. Яшь булуына карамастан, ул эштән курыкмыйча олы яшьтәге бабайлар белән аркан ишкән, мунчала бәйләгән. Ат җигәргә буе җитмәгәч, ящик өстенә басып атны җигә торган булган. Өендә исәнсез әтисе, бала имезүче әнисе, ике сеңлесен булган, аларны ашатырга кирәк булган. Сугыштан соң сыер фермасында скотник булып эшләгән.

Татарстан Республикасы Апас районы Шәмәк авылында туа. Шәмәк башлангыч мәктәбен тәмамлый. 1926 елгы авылдашы, Дәүләки МТСы механизаторы Габделхәй Шәйдуллинга кияүгә чыга. Күп тә үтми, яшь гаилә яткын далаларга юл тота. Шәйдуллиннар Алтай краеның Топчиха районы Чистенка авылына барып урнашалар. Анда аңа төрле эшләрдә эшләргә туры килә. Тракторда сабанчы, комбайн ярдәмчесе дә булып эшли. Аларны анда бетереп калырга кыстыйлар. Әмма алар яңадан үзләре яшәгән авылга кайтып хезмәт итәләр. 40 елдан артык Крупская исемендәге Шәмәк фермасында эшли. 4 кыз бала тәрбияләп үстерәләр.