1927 елның 16 сентяберендә Иске Сәфәрдә туа, хәзергә вакытта Кировта яши. 1944 елны 17 яшендә яуга чакырыла. Пензада хәзерлек узгач, Көнчыгыш чикне сакларга җибәрелә, Монголиядә була, Кытайда Япония баскакларын тармр итүдә катнаша. Гвардияче танкист-төзүче, тупны көйләүче. Баш Верховный Командуюәий И.В. Сталинның Рәхмәт хаты, "Японияне җиңгән өчен" һәм юбилей медальләренә лаек була. Хәрби дәрәҗәсе-сержант. Җиңү бәйрәмен пензада каршылый.
1918 елның 3 августында Саба районы Өч нарат авылында туа, Киров авылында тормыш итә. 1940 елны хәрби хезмәткә алына 12 марттан 20 сентяберьгә кадәр 54 артполкта тупчы, 89 нчы гаубица артполкт (27.IX.1940-74.VIII.1941) радиотелефончы була. 4 августта әсирлеккә төшә, Германия лагерьендә тоткын газаплары кичерә. Азат ителгәч, тикшерүләр узгач, 1945 елның 30 сентяберендә кабат хәрби ант кабул итә. 1945 елның 5 маеннан 1946 елның 14 маена кадәр 432 гаубица артполкында тупчы була. 1946 елның 14 маенда хәрби хезмәттән азат ителә.
91 нче яше белән барган Аманулла Гыйбадуллин “Үземнең бөтен тәнем яралардан сызлап тора. Җитмеш бер ел узса да сугыш афәтләре онытылмый, яралары төзәлми” дип искә ала ул, Шыгай авылының аксакалы да әле. Сугыштан кайткан төшенә җиргә чүккән, салам башлы йорт каршы ала аны. Биш ел Марыйда урман кисеп, авыр эшләрдә эшләп туган авылынды йорт җитештерә. Шулай итеп авылдашларына йорт салу, хуҗалыкка фермалар төзү эше дә аныкы була. Тормыш иптәше белән дүрт бала тәрбияләп үстерәләр, 56 ел бергә яшиләр.
Актаныш районының Иске Богады авыл җирлегендәге алты авылга бердәнбер Бөек Ватан сугышы ветераны исән. 94 яшьлек Җәүдәт ага Шәемов – Яңа Богады авылында яши. Авылның иң өлкән кешесе дә ул. Җәүдәт Шәемов 1926 елның августында Яңа Богады авылында туа, җидееллык мәктәпне сугыш башланган 1941 елда тәмамлый. Картлар, хатын-кызлар, яшүсмерләр җилкәсенә калган хуҗалык эшләренең барлык авырлык-газапларын кичерә. 1942 нче елның башында Шәемовларның да әтиләрен сугышка озаталар.
Абдуллина Нурфика Абдулла кызы 1924 елның 2 декаберендә Азнакай районы Мәндәй авылында туа. Медицина училищасын тәмамлап Актаныш авылы Куҗәкә авылына эшкә билгеләнә. Авыл медпунктында фельдшер-акушерка хезмәтен башкарган яшь кыз 1943 елның 5 сентябернедә хәрби хезмәткә чакырыла. Сугыш чорында Нурфикә Абдулла кызы Казанда 5868 санлы эвакуация госпиталендә шәфкать туташы булып эшли.
Исламова Саимә Харис кызы 1923 елның 11 июнендә хәзерге Мөсли районы Әмәкәй авылында туа. II группа инвалид. 1942 елның июлендә 8 кыз белән бергә сугышка алалар. I Белоруссия фронты сафында санитарка булып хезмәт итә. Минскины, Риганы азат итүдә, фашистларны үз илендә тар-мар итүдә катнаша. Җиңү хәбәрен Берлиннан 80 чакрым ераклыктагы торак пунктында ишетә. 1945 елның августында туган ягына әйләнеп кайта.
Нурлыгаянова Зөлфирә Нурлыгаян кызы 1921 елның 25 гыйнварында Калинин районы Сикия авылында туа. 1943 елда үзе теләп сугышка китә. Һава Һөҗүменнән саклану гаскәрләренең 1872 нче зенит полкына җибәрелә. Житомир, Львов, Коростень һәм башка шәһәрләрне азат итү сугышларында катнаша. Украинадан Польшага кадәр сугышчан юл үтә. Сугыш хәбәрен Польша җирендә ишетә. I дәрәҗә Ватан сугышы ордены һәм медальләр белән бүләкләнә. Ефрейтор чины бирелә. Пучы балалар бакчасында эшли. Гомерен яшь буынга тәрбия бирүгә багышлый. Күпсанлы Мактау кәгазьләренә лаек була.
Салихова Фәйрүзә Хөснимәрдән кызы 1925 елның 8 гыйнварында Усы авылында дөньяга килә. 1943 елның 8 июнендә сугышка китә. III Украина, I Белоруссия фронтында зенитчы-артиллеристлар частенда Польша һәм Украина шәһәрләрен азат итү сугышларында катнаша. 1945 елның көзендә демобилизацияләнеп, Киров исемендәге, “Айман” совхозларында төрле хезмәтләр башкара. “Германияне җиңгән өчен”, күп төрле юбилей , “Хезмәт ветераны” медальләренә лаек була.
Вәлиев Туктар 1910 елда туган, кибет мөдире булып эшли. Туктар абый сугышка 1941 елның 1 нче сентябрендә чыгып китә. Мөхәлләт апа аны берсеннән- берсе кечкенә дүрт бала белән озатып кала. Иң олы дигәне Мәдинәгә 6 яшь, ә кечесе Галимәгә 6 ай була. Башта хатлар килеп тора. Соңгы хаты Днепр елгасын кичәр алдыннан килә. "Днепр суы кып-кызыл кан, кайтып булмас ахыры", дип язылган була анда. Шушы хаттан соң бернинди хәбәр дә килми.
Вәлиев Әхәт Хәким улы 1926 елның 18 мартында Кайбыч районы Зур Урсак авылында дөньяга килә. Әти - әнисе урта хәлле, эш сөючән кешеләр булалар. Әхәт абый үзе дә кечкенә вакытыннан ук аларга ярдәм итеп, эш сөючән булып үсә. Шофёр һөнәрен үзләштерә. 1943 нче елның октябрь аенда Әхәт абыйны да фронтка алалар. Аңа ул вакытта нибары 17 яшь була. Хәрби хезмәтен Әхәт абый Владивостокта Монгол халык республикасында, Ватан чиген саклап үти. Ул хезмәт иткән хәрби частьның исеме “За Байкалский округ” дип атала. Шушы урында ул җиде ел буе Ватанына тугры калып хезмәт итә.
