Сугышта катнашучылар

ВАФИН НУРГАЯЗ ВАФА УЛЫ ЯКИ БИКМӨХӘММӘТОВ ГАЯЗ ВАФА УЛЫ

Бикмөхәммәтов Гаяз Вафинович яки Вафин Нургаяз Вафинович (1918 - ?) Хәтер китабында да, М.Черепанов исемлегендә дә юк. Халык хәтере буенча һәлак булучылар исемлегенә кертелде. Нигезләрендә Сафин Әбүбәкер яши. Әтисе – Бикмөхәммәтов Вафа Бикмөхәммәтович (1885 – 1947) Әнисе – Нурия Галим кызы (1888/1889 – 18.10.1945) Бертуганнары: Вафин Талип (1922), Түбән Камада, Бикмөхәммәтовлар – Нурфигаль (1925), Балахнада Нурбисал (1930), Нургаян (1932), Габбас (1939).

ВАХИТОВ ГАФИЯТ ЗАЙДУЛЛОВИЧ

Вахитов Гафият Зайдуллович Вахитов Гафият Зайдуллович родился 10 сентября 1927 года в селе Каменный-Брод Буинского района Татарской АССР.

ВАХИТОВ ЗАҺИТ МИНВӘЛИ УЛЫ

Вахитов Заһит Минвәли улы 1924 елның 24 июнендә Азнакай районы Митрәй авылында туа.Митрәй авылында 7 сыйныф белем ала.14 яшендә колхозга эшкә чыга.Бөек Ватан сугышы аны 1942нче елда үз эченә ала.Сугышта аңа төрле җирләрдә булырга туры килә,җиңүне Венгрия шәһәрендә каршы ала.Батырлыклары өчен төрле орден-медалләргә лаек була.1947 нче елда туган авылына исән-сау әйләнеп кайта. 1951 елда Абдуллина Зифа Шәрип кызы белән гаилә коралар,4 бала үстерәләр.

ВӘЛИЕВ ГОМӘР ӘХМӘТВӘЛИ УЛЫ

1919 елның 8 апрелендә Яңа Балтач авылында туа. 1940 елның 2 февралендә армиягә, шуннан, ефрейтор чинл булып, сугышка алына. Аның беренче коннәрендә үк канкойгыч бәрелешләрдә катнаша. Чолганышта калып, пленга эләгә. 1945 елның 5 маенда азт ителеп, Мәскәүгә озатыла. Бер елдан соң аылга кайта. "Үрнәк" хуңалыгында хезмңт куя. Сугыш ветераны буларак , юбилей, тырыш хезмәт өчен "Хезмәт ветераны" медальләре белән бүләкләнә. Хатыны Ракыйга белән 7 бала тәрбияләп үстерәләр.

ВӘЛИЕВ ФӘЙЗЕРАХМАН САЛИХ УЛЫ

Вәлиев Фәйзерахман Салих улы Вәлиев Фәйзерахман Салих улы 1919 елның 1 августында Зәй районының Түбән Биш авылында туган. Мәктәпне тәмамлагач, ул Минзәлә педагогия училищесында укый, укытучы белгечлеге ала.

ВӘЛИМӨХӘММӘТОВ МИРЗАМӨХӘММӘТ ВӘЛИМӨХӘММӘТ УЛЫ

1925 елны Тәкмәк авылында туа. 1941 елад илне саклаучылар сафына чакырыла, 1945 елны туганягына кайта. III группа инвалид. Хәрби бүләкләре, дәрәҗәләре юк. Киров исемендәге совхозда балта остасы булып эшләп лаеклы ялга чыга. Үлгән көне- 16.09.2014 ел.

ВӘЛИУЛЛИН АЛЛАҺИЯР ГАРИФ УЛЫ

Аллаһияр Гариф улы Вәлиуллин 1924 елның 5 июлендә Саба районы Байлар Сабасында туган. 1939 елда урта мәктәпне тәмамлап, Ул Казан музыка училищесына, труба классына укырга керә, иҗади сәләтен күреп, аны теоретик – композиторлык бүлегенә күчерәләр. Бөек Ватан сугышы елларында Вәлиуллин Совет Армиясе сафларына алына. Демобилизацияләнгәннән соң, училищега кайтып, 1944елдан 1946 елга М.А. Юдин җитәкчелегендә композиция буенча укуын дәвам итә.

ВӘЛИУЛЛИН ӘХТӘМ ШАФИГУЛЛА УЛЫ

Вәлиуллин Әхтәм Шәфигулла улы 1927 елның 16 мартында Карашай-Саклау авылында туган. 1941 елда “бик яхшы” билгеләренә генә Карашай-Саклау җидееллык мәктәбен тәмамлый. Аттестан алганның икенче көнендә сугыш башлана. Шул көннән 14 яшьлек егет колхозда эшкә җигелә. 1942 елда әтисе Шафигулла абзый фронтка китеп бара, ә 1944 тә Әхтәмнең үзенә дә чират җитә. Шул китүдән 7 ел буе солдат хезмәтен башкарырга туры килә аңа. Эчке эшләр министрлыгының оператив гаскәрләрендә дә, Дәүләт куркынычсызлыгы министрлыгының чик буе гаскәрләрендә дә хезмәт итә ул.

ГАБДРАХМАНОВ ТАЛХА ГӘРӘЙХАН УЛЫ

1926 елның 20 маенда Такталачык авылында туа. 1943 елның ноябрендә сугышка китә. Ленинград, 2нче Украина фронтларында сугыша. Җиңү көнен Венгриядә каршылый. 1950 елның сентябрендә кайта. II дәрәҗәдә Ватан сугышы ордены, "Германияне җиңгән өчен" һ.б. медальләр белән бүләкләнә. Ефрейтор. Нарва һ.б. шәһәрләрне азат итүдә катнашкан өчен Сталин приказы белән рәхмәт белдерелә. МТСта гараж мөдире, автомеханик, электрчы булып эшли. Хатыны Мәкнүнә белән өч бала тәрбияләп үстерәләр.

ГАБДУЛЛИН ГЫЙЛЕМҖАН ГАБДУЛЛА УЛЫ

1926 елның 6 июлендә Аеш авылында туа, шунда яши. 1944 елның гыйнварында 18 яшендә сугышка китә. Ленинград, 1 нче Украина фронтында сугыша. Рядовой солдат элемтәче, санитар булып эшли. Элемтәче булып эшләгәндә яралана. Кант шәһәрендәге госпитальдә ята. Терелгәч шунда эшли. Җиңүне дә әлеге госпитальдә каршылый. 1945 елның октябрь аенда туган авылына кайта. Юбилей медальләре белән бүләкләнә.