Сугышта катнашучылар

Бишкүмәч авылында 1919 елның 9 июнендә дөньяга килә, Олыимәндә яши. 20 яшендә ил алдындагы бурычын үтәргә чакырыла, Монголиядә хезмәт итә, шунда сугыш башлану хәбәрен ишетә. Волохов фронтында разведчик була. Икенче тапкыр каты яралангач, 1942 елның декаберендә туган авылына эйләнеп кайта. Җиңү бәйрәмен бишкүмәчтә каршылый. Хәрби бүләкләре юк., дәрәҗәсе-солдат. Бишкүмәчтә бригадир, Олыимәндә ферма мөдире була. "Хезмәттәге батырлык өчен", "Хезмәт ветераны" медальләре белән бүләкләнә. ВДНХга бара. Хатыны Мәхтүмә белән 7 бала тәрбияләп үстерәләр.

1925 елның 15 гыйнварында Зөбәер авылында туа. 1942 елның декабрендә фронка китә. Япониягә каршы сугышта Харбинга кадәр барып җитә. Туган якка 1947 елның гыйнварында кайта. Ватан сугышы ордены, "Сугышчан хезмәтләре өчен", "Японияне җиңгән өчен" һ.б. медальләр белән бүләкләнә. Майор. Комсомол райкомында, партия райкомында эшли. Казанда Югары партия мәктәбендә укый. Төзү-монтаж идәрәсендә, район газ оешмасында эшли, КПСС өлкә комитетының, Югары Советның Мактау кәгазьләре белән бүләкләнә. Тормыш иптәше Рабига белән өч бала тәрбияләп үстерәләр.

1924 елда Калинин районының Әнәк авылында туа. 1942 елда Бөек Ватан сугышына Ижау шәһәре аша китә. Мурманск шәһәрендә диңгезче булып хезмәт итә, Җиңүне дә шунда каршылый. Сугыш тәмамлангач та флотта хезмәт итә һәм 1947 елда туган ягына кайта. Хәрби бүләкләре - "За оборону Заполярья", "За победу над Германией в Великой Отечественной войне 1941-1945 гг." Туган җирендә башкарган төп хезмәтләре - шофер, бригадир, хуҗалык мөдире. Тормыш иптәше Дөргалия Шәрип кызы белән 57 ел бергә гомер кичерәләр. Алты бала тәрбияләп үстерәләр. 2005 елда вафат була.

1926 елның 2 маенда Яңа Баллыкүл авылында туган. 1943 елның ноябрендә район үзәгеннән 93 кеше, шул исәптән Габделбари да Норлат тимер юлы станциясе аша хәрби хезмәткә озатыла. Алар Арзамас шәһәре янында хәрби әзерлек узалар. Габделбари Фәсахов 1944 елның июлендә Беренче Украина фронтының Беренче танк армиясе составында сугышка керә. Ул Бөек Җиңү көнен Берлин шәһәре янында каршылый. Әле сугыштан соң да Лейпциг шәһәрендә хәрби хезмәтен дәвам итә. 1948 елда, авыру сәбәпле, аны авылына вакытлыча ялга җибәрәләр һәм кабат чакыртмыйлар.