Сугышта катнашучылар

ШӘМСИЕВ СӘЛӘХИ ШӘМСЕТДИН УЛЫ

1925 елның 1 октябрендә Яңа Балтач авылында туа. 1943 елның 15 гыйнварында (17 яшьтә) сугышка китә. I Украина, Белоруссия, Польша җирләрен азат итү сугышларында катнаша. Кече сержант чины бирелә. Къп тапкырлар яралана. Җиңүне Германиянең Колберг каласында каршылый. 1946 елның гыйнвар аенда сугыштан кайта һәм җирлектәге хуҗалыкта, учреңденияләрдә җаваплы урыннарда эшли. Авыл Советы башкарма коомитеты рәисе, партком секретаре вазифаларын башкара.

ШӘРИФУЛЛИНА МӨНӘВӘРӘ МАЛИК КЫЗЫ

1924 елның 2 гынварында Актаныш авылында туа. 1942 елның 18 маенда фронтка китә. Приморье краенда хезмәт итә. Туган якка 1944 елның февралендә кайта. Рядовой. Күп медальләр белән бүләкләнә. Әҗәкүл элеваторында ашханә мөдире, Гәрәй авылында счетовод, Ямалы элеваторында кассир-счетовод, райпода, 746 нчы ПМКда кассир булып эшли. Хезмәт ветераны. Ике кызы бар.

ШӘРӘПОВ ГАРӘБИ ШӘРӘФ УЛЫ

1924 елның 27 мартында Усы авылында туа. 1942 елның 27 октябрендә хәрби хезмәткә чакырыла. 4 ай Суслонда була, 11 нче запас укчы полкында, 1079 нчы полкта, 312 нче укчы дивизиядә хезмәт итә. Җиңү көнен Казанда каршылый. 1945 елның 1 ноябрендә туган якка кайта. Капитан.Майор. ll дәрәҗә Ватан сугышы ордены, "Германияне җиңгән өчен" һ.б. медальләр белән бүләкләнә.

ШӘРӘФИЕВ САЛИХ ШӘРӘФИ УЛЫ

1926 елның 5 гыйнварында Иске Айман авылында туа. 1945 елның 4 гыйнварында сугышка китә. l Белоруссия фронты составында көрәшә. Җиңү хәбәрен Берлиннан 82 километр ераклыкта окопта ятканда ишетә. 1947 елга кадәр Германиядә, Белоруссиядә хезмәт итә. Кече сержант 1950 елның 16 октябрендә демобилизацияләнә. Тыныч тормышта шахтада, чирәм җирләрне эшкәртүдә тырышлык куя. "Германияне җиңгән өчен" һәм башка юбилей медальләре, Октябрь Революциясе ордены, "Хезмәттәге батырлык өчен", "Чирәм җирләрне үзләштергән өчен", "Ветеран труда" медальләре белән бүләкләнә.

ЯМАЛОВ МӘДӘВИ НӘҺРИ УЛЫ

1922 елның 1 августында Актаныш районының Ахун авылында туа. 1942 елның гыйнвар аенда сугышка китә. Бу вакытта аңа 20 яшь була. Беренче тапкыр сугышка кергән җире - Витебск шәһәре тирәсе. Яраланып госпитальдә дә ята ул. Терелеп чыккач, сугышчан юлы Берлинга кадәр барып җитә. Җиңү көнен дә шул шәһәрдә каршылый. Туган авылына исә 1947 ел ахырында исән-сау әйләнеп кайтып якыннарын сөендерә. Сугышта сержант дәрәҗәсенә күтәрелә. "Батырлык өчен", "Җиңү өчен" медальләре белән бүләкләнә.

ЯРУЛЛИН ХӘСӘН ЯРУЛЛА УЛЫ

Яруллин Хәсән Ярулла улы Яруллин Хәсән Ярулла улы 1908 елның 25 маенда Күлле Кимедә 7 сыйныф укыганнан соң, 1926 елда дүрт айлык укытучылар әзерли торган курсны тәмамлый, укытучы булып эшли башлый. 1930 елда Казанда педагогия институтына укырга керә, аны 1933 елда тәмамлый. Институттан Алабуга педагогия училищесына физика-математика укытучысы итеп җибәрелә. 1941 елда ноябрь аенда укытучы Хәсән Яруллин солдат шинеле кия. 1943 елның дәһшәтле Курск дугасы сугышлары, Орел өлкәсенең Суворов авылы өчен барган каты сугышта ул авыр яраланып, бер елга якын госпитальдә дәвалана.

ҮТӘМЕШ АВЫЛЫННАН ХӘЙРЕТДИН АБЫЙ СӘЛАХОВНЫҢ СУГЫШТА КЕРГӘН МИНА КЫЙПЫЛЧЫГЫ ӘЛЕГӘ КАДӘР БАШЫНДА САКЛАНА, ТӘНЕНДӘГЕ ҖӘРӘХӘТ ЭЗЛӘРЕ БҮГЕН ДӘ СЫКРЫЙ

Хәйретдин абый 18 яшендә сугышка алына. Сталинград, Курск дугасы сугышларында илебез тынычлыгы өчен үзеннән зур өлеш кертә, берничә тапкыр каты яраланып госпитальләрдә дәвалана. –Без күргәннәр куркыныч төш кебек, – ди ул үзе. Хәйретдин абый тыныч тормышта да һәрчак җаваплы урыннарда эшли: авыл советы сәркатибе, аның җитәкчесе була, шулай ук мәдәният өлкәсендә дә үз эзен калдырган кеше. Хәйретдин абый тормыш иптәше Нәгыймә апа белән 70 елдан артык парлы гомер кичерә, балаларына, онык-оныкчыкларына үрнәк алар.

ӘГЪЛӘМ АБЫЙ БИЛАЛЕТДИНОВ СУГЫШКА 1943 ЕЛНЫҢ 20 ОКТЯБРЕНДӘ КИТӘ

“Әти, хәтта, Казанга кадәр озата барды“, – дип искә ала ул. Сугышның иң кызган мәлендә Монголиягә килеп эләгә. Аннан соң Японнар белән бәрелештә катнаша. Биредә аның кулбашы яралана. Владивосток шәһәрендә госпитальдә 4 ай ята. Сугыш тәмамлангач, хәрби хезмәттә кала. Туган нигезенә 7 елдан соң гына әйләнеп кайта. Иң элек туган авылында колхозда хезмәт итә. Райпода эшләп лаеклы ялга чыга. Ул тирә-якта оста умартачы буларак та таныш.

ӘМЕРТДИНОВ ЙОСЫФ ӘМИР УЛЫ

Әмертдинов Йосыф Әмир улы 1906 елда Иске Әлмәт авылында туа. Әнисе Шәмсениса 1910 елны иреннән аерылып Иске Кәшергә кайта. Йосыф ятимлектә дөньяның ачысын да, төчесен дә күп татый. 1941 елда сугышка алына. Хатыны Саимә 3 улы – Юныс, Гариф, Әнәсне ияртеп Бөгелмәгә чаклы озата.

ӘМИРСАЛИХОВ САЕТҖАН ӘМИРСАЛИХ УЛЫ

1923 елның 10 июнендә Дербешка поселогында туа. Сугышка 1942 елда китә. Украина, Белоруссия фронтларында сугыша. Җиңү көнен Австралиядә каршылый. Туган якка 1947 елның февралендә кайта. Сержант. "Германияне җиңгән өчен" һ.б. медальләр белән бүләкләнә. Кайткач Дербешка, Әҗәкүл пристаньнәрендә хезмәт куя. Хатыны Хәдичә белән 3 бала тәрбияләп үстерәләр.