Тукаевский район

8 май көнне сәг.9.00 да Мусабай-Завод мәдәният йорты каршында Бөек Җиңүнең 70 еллыгы уңаеннан митинг булды. Митингка авылыбызның бердәнбер ветераны Минкина Мәрьям Гапдрахман кызы һәм Кызыл-Байрак, Ташкичү һәм Мусабай-Завод авылыннан 11 тыл ветераны килгән иде. Аларга һәм барлык катнашучыларга георгиевская ленталар тагылды. Бәйрәмдә ветераннарны авыл советы җирлеге башлыгы Фәридә Әхмәт кызы, район хакимият башлыгы урынбасары Рубис Лотфуллович котлады, аннары сүз Мусабай-Завод авылы укучыларына бирелде.

1 май көнне Мусабай-Завод авыл китапханәсендә Бөек Җиңүнең 70 еллыгы уңаеннан тыл ветераннары һәм сугыш чоры балалары белән “Сугыш урлаган балачак” исеме астында очрашу кичәсе үтте. Кичәне мәдәният хезмәткәрләре белән берлектә авыл китапхәнәсе мөдире Флүзә Тахавиева алып барды. Авыл җирлеге башлыгы Фәридә Ахметовна Аглязова килгән кунакларны Бөек Җиңүнең 70 еллыгы белән котлады һәм сугыш чорындагы фидакарь хезмәтләре өчен рәхмәт әйтте. Кичә барышында сугыш темасына багышланган җырлар җырланды, һәрбер тыл ветераны үзләренең куйган хезмәтләре турында сөйләделәр. Кичә эчтәлекле үтте.

Бөек Җиңүнең 70 еллыгына әзерлек кысаларында районның чит тел укытучылары методик берләшмәсе чит телдә җырлар бәйрәме үткәрергә булды. Чараны уздыру урыны итеп Мәләкәс мәктәбе сайланды. Кичәне матур итеп Мәләкәс мәктәбе укучылары, алып баручылар Алина Маркова һәм Регина Гаффанова ачып җибәрде. Аннары мәгариф идарәсенең укыту-методик бүлеге методисты Эльмира Вагыйзова бәйрәмдә катнашучыларга уңышлар теләде.

Бөек Җиңү көнен каршылап, Яңа Бүләк авылы китапханәсендә 21нче апрель көнне тыл ветераннары һәм сугыш чоры балалары белән очрашу кичәсе узды. “Сугыш урлаган яшьлек” дип аталган кичәдә Яңа Бүләк авылы урта гомуми белем бирү мәктәбе коллективы да катнашты. Китапханәче Зөлфия Мингалиева һәм укытучы Сабирова Г.А. тыл каһарманнарының авыр хезмәтләре турында сөйләделәр, аларга багышлап шигырьләр укыдылар. Мәктәп директоры Сәлман Әхмәтҗанов ветераннарны котлап җылы сүзләрен җиткерде, тылда күрсәткән батырлыклары өчен рәхмәтен белдерде.

15 апрель көнне Татарстан авыл китапханәсендә “Лебедушка” балалар бакчасы белән берлектә “Безнең Җинү” исемендәге викторина узды. Китапханә мөдире Мәйсәрә Мирзаянова балаларны поселоктагы ветераннар исемлеге һәм кыскача алар үткән юл белән таныштырды. Китапханәдә сакланучы 1945 нче елның 9 маенда бастырылган “Красная Татария” газетасы балаларда аеруча кызыксыну уятты. Яңадан балалар “Патриот” музейында булып аның экспонатлары белән таныштылар.

В рамках 70-летию Великой Победы 15 апреля подготовительная и старшая группа детского садика «Лебедушка» в количестве 65 человек посетили Музей боевой славы «Патриот». Ребята увидели и узнали много нового и интересного!

17 апрель көнне Мусабай – Завод авыл китапханәсендә мәктәпкәчә яшьтәге балаларда патриотик хис тәрбияләүгә багышланаган очрашу үтте. Очрашуның төп максаты: балаларда патриотик хис тәрбияләү. Китапханә белән танышканннан сон, Бөек Җиңүнең 70 еллыгына багышлап төзелгән, күргәзмә янында әңгәмә узды. Балаларга фронтовик язучылар, тыл һәм тол ветераннары белән танышу кызыклы булды. Алар сугыш кырыннан килгән “солдат хатларын” аеруча дикъкать белән тикшереп карадылар. Кызыксынган сорауларын бирделәр. Сугыш турында шигырьләр сөйләделәр.

Тукай районы мәдәният йортларында Җиңү көнен каршылауга хәзерлек эшләре бара. Шундый чараларның берсе мәдәният йортларында "Илемне саклаучыга вәгъдә бүләгем - чиккән кулъяулык"дигән кулъяулыклар күргәзмәсе оештыру. Йөрәк хисләрен кушып, күз явын алырдай бизәкләр төшереп чиккән, вәгдә билгесе булган кулъяулыклар - татар хатын-кызының осталыгына һәйкәл! Ил сагына хезмәткә китүче егетләргә вәгъдә бүләге итеп чиккән кулъяулык тапшыру - һәр кызның изге бурычы булган. Әлеге кулъяулыклар Ватан сакчысы белән якыннарын бәйләп торучы күренмәс җеп булган.

15 апрель көнне Татарстан авыл китапханәсендә “Лебедушка” балалар бакчасы белән берлектә “Безнең Җинү” исемендәге викторина узды. Китапханә мөдире Мәйсәрә Мирзаянова балаларны поселоктагы ветераннар исемлеге һәм кыскача алар үткән юл белән таныштырды. Китапханәдә сакланучы 1945 нче елның 9 маенда бастырылган “Красная Татария” газетасы балаларда аеруча кызыксыну уятты. Яңадан балалар “Патриот” музееында булып аның экспонатлары белән таныштылар.

8 апрель көнне Борды мәдәният йортында китапханә белән берлектә Германиянең Гонновер өлкәсе Годсхорн концлагерында туган балигъ булмаган тоткын Борис Петрович Кудряшов белән “Михнәттә туган язмыш” дип исемләнгән очрашу кичәсе уздырылды.