2022 елның 3 сентябрендә Татарстанның барлык шәһәрләрендә һәм районнарында “Җиңү диктанты” узды.

“Бердәм Россия” сәяси партиясенең “Тарихи хәтер” федераль проекты кысаларында узган халыкара тарихи диктант Бөек Ватан сугышы вакыйгалары темасына багышланган иде.

Катнашучылар “Җиңү диктанты”н Олы Әтнә урта мәктәбендә яздылар. Бирем үтәүчеләр махсус бланкларга җаваплар тутырдылар. Шунысы сөендерә, барысы 20 кеше катнашты. Араларында өлкәннәр дә бар иде.