Атнинский

Габдулла Тукай исемендәге Әтнә татар дәүләт драма театры Борис Васильевнең «А зори здесь тихие…» әсәре буенча сәхнәләштергән «Сызылып таңнар аткан чакта...» спектаклен тәкъдим итте

Иске Өҗем мәктәбендә укып, белем алган, махсус хәрби операция зонасында һәлак булган күрше авыл егете Сабиров Азат Әнәс улы истәлегенә мемориаль такта ачтылар. Тантанада кечкенә кызы белән мәрхүмнең апасы Алсу, районның башкарма комитет җитәкчесе Айрат Каюмов, Арча һәм Әтнә районнары буенча хәрби комиссар Азат Вахитов, мәгариф бүлеге мөдире Рафис Фатыйхов та катнашты. Мәктәп директоры, укытучылар коллективы укучы балалар белән бергә бик эчтәлекле чара әзерләгәннәр.

Хәтерләрдән мәңге җуелмас, исеме – үлемсез. Әтнә халкы тагын бер олуг шәхесе белән хушлашты. 1932 елгы, Наил абый Сабиров 28 яшендә «Чулпан» колхозы рәисе итеп билгеләнә. Колхозны алдынгылар сафына күтәрде, данын еракларга җиткерде. Халыкның тормышын, көнкүрешен яхшыртуны алгы планга куеп эшләде.

Рәсәйдә чик саклау хезмәте 1918 елның 28 маенда оештырыла. 1918 елның шушы көнендә яшь Совет Республикасы Хөкүмәте илебезнең чик сагын оештыру турында Декрет кабул иткән. Ә менә бәйрәм буларак ул беренче мәртәбә 1958 елда, чик буе гаскәрләренең 40 еллыгы уңаеннан билгеләп үтелгән. Бәйрәм уңаеннан Әтнә районы территориясе буйлап әфганчылар советы оештырган автоузыш үтте. Чараның үзәге – чик сакчылары хөрмәтенә ачылган махсус обелиск булды.

Тиздән 93 яшен тутыручы Зәйнәп апа тормыштан һич зарланмый. Шөкер, сау-сәламәт, җәмәгате янәшәсендә. Авылның, алай гына түгел, Күәм авыл җирлегенең хөрмәтле тыл һәм хезмәт ветераны ул. Тумышы белән Яңа Бәрәскә авылыннан. “Авылыбыз гөрләп тора, халкы күп иде”, - ди. Менә 50 елдан артык Әйшияз авылында яши. Җәмәгате Мәгъдүт абыйның кызларын да үзенеке кебек кабул итә. 5 яшеннән әнисе Фәрзәнә, параличланган бабай һәм күзләре күрмәгән әби белән яши. Шуңа күрә кечкенәдән “эш арбасы”на җигелеп, авырлыклар аша чыныгып үсүе гаҗәп түгел.

1931 елның апрелендә туа ул, инде 94нче яшь белән бара. Әнием олыгаеп кына тормышка чыккан. Әби-бабай тиф белән үлү сәбәпле, әнием Хәмдениса йортта энекәш-сеңелкәшләрен тәрбияләгән. 1921 елгы ачлыктан һәм тифтан бик күпләр вафат булган. Вакыт узу белән әнинең ике сеңлесе тормышка чыккан. Төп йортта әни белән Лотфулла исемле энесе генә калган. Шуннан димләп тормышка чыккан, - дип хатирәләргә бирелә Равил абый. Җәмәгате Гөлбану апай белән 5 бала тәрбиялиләр. Кызганычка каршы, җәмәгате дә. өлкән улы да вафат аның. Ә оныкларга, оныкчыкларга бик бай ул.

Ул да 1931 елны туып-үсә, кыш көне аңа 94 яшь тулып уза. - Әти-әни канаты астында 5 бала үстек. Абыйларны сугышка алдылар, яше олы булу сәбәпле, әтине калдырдылар. Баһаветдин абый һәлак булды. Ә Гарәфетдин абый аягын калдырып кайтты. Гарьләнгән, күрәсең, “Кайтмаска да уйлаган идем”, диде. Бибисара апасы да авылда, янәшәдә көч куя. Гыйльметдин абыйсы сугыштан соң Казанга китеп урнаша.

Бүгенге көнгә районыбызда Бөек Ватан сугышы чорында бала чактан эшләгән 70 тыл хезмәткәре һәм 8 сугыш ветераны җәмәгате яши. Бөек Җиңүнең 79 еллыгы уңаеннан аларның кайберләре белән район газетасы редакциясе таныштырды. “Ураза тота идек” Олы Әтнә авылында яшәүче тыл ветераны Мөнәвәрә Хәсәнова балачакта укыган, эшләгән чорларын шулай дип искә алды.

Бөек Ватан сугышының фидакарь тыл ветераннары һәм сугыш елы балалары! Хөрмәтле райондашлар! Сезне ихлас күңелдән Бөек Җиңүнең 79 еллыгы белән тәбрик итәм.

Сугыш вакытында кая карама толлык, ятимлек, ачлык, ялангачлык. Су буенда өч йорт эчендә — өч төрле язмыш. Бакча башындагы Әхмәтхан абыйның да хатыны Кәшифә үлеп китә, өч бала белән тол кала. Урамның икенче ягындагы Каюм абый да өч бала белән тол кала. Су буендагы беренче йортка да ире Гаптелхәе сугышта үлгәч, кызы яшь сабыен күтәреп әнисе өенә кайта. Алар Гаптелганигә ятимлек ачысын да, ачлыгын да белгертмиләр. Чөнки әнисе дә, әбисе дә, апайсы Әминә дә сау-сәламәт, җир-җимертеп эшлиләр.