1923  елны Ютазы районы  Дим-Тамак  авылында  крестьян  гаиләсендә  туган. Бишенче  классны укыгач, мәктәпне  тәмамлый.

 1937  елның  маенда   Кәрәкәшлегә    күчеп киләләр   һәм монда  ул   көтүче  булып   яллана. 1939  елны Көчле–Елга колхозына  колхозчы  булып керә.  Төрле эшләрдә эшли.

1942  елның  апрель    аенда   сугышка   китә. Венгриядә   Волотон   күле янындагы  сугышларда катнашып, шунда яралана. Соңгы хаты  Венгриянең Печеть  шәһәрендәге  госпитальдән килә. 1945  елның  3  февральда “Каты ярадан үлде”  дигән  хәбәре килә.