Бөек җиңүнең 70 еллыгына багышлап, Шушмабаш урта мәктәбенең физика укытучысы Нуриева Рәмлә Равиловна тарафыннан “Память” сайты ачылды. Сайт патриотик тәрбия буенча социаль проект барышында берничә ел дәвамында тупланган мәгълүматларга нигезләнеп төзелгән.
Биредә Шушмабаш, Шекә, Илдус авылларыннан Бөек Ватан сугышында катнашучылар турында бай информация, фронтовикларның фотоларыннан төзелгән фотогалерея, шулай ук тыл хезмәтчәннәре һәм балачакларын сугыш урлаган шәхесләрнең истәлекләре, мәктәптә үткәрелгән “Сугыш балалары” акциясендә тупланган материаллар, Шекә һәм Шушмабаш авылларының электрон хәтер китаплары белән танышырга мөмкин.
Сайтның электрон адресы: http://pamyat3.webnode.ru/
Сезне безнең сайтта көтеп, һәм яңа материаллар белән тулыландыруда хезмәттәшлек итәрсез дип ышанып калабыз. Материалларны мәктәпкә алып килергә, яки сайтта күрсәтелгән электрон адреска җибәрергә мөмкин.
