Корпункт:
Кәүҗияк авылында яшәүче Роза апа Садыйкова 90 яшьлек юбилеен билгеләп үтте.
Роза апаны олуг юбилее белән муниципаль район Советы аппараты җитәкчесе Фәндәс Вәлиев, Кәүҗияк авыл җирлеге башлыгы Фиргать Хөснетдинов, авыл җирлеге башкарма комитеты сәркатибе Лариса Фатыйхова, авыл ветераннар советы рәисе Фәүзимә Шакирова, якыннары-туганнары котладылар. Фәндәс Вәлиев Роза апага Россия Президенты Владимир Путинның котлау хатын һәм район башлыгы Фәрит Хөснуллинның бүләген тапшырды.
Роза апа тыл ветераны. Сугыш һәм сугыштан соңгы елларда колхозда хезмәт иткән. Пенсиягә чыккач та, эшләп йөргән. Бүгенге көндә дә үзе генә тора, ашарга пешерә, йортын тәртиптә тота. Роза апаның бер кызы һәм бер оныгы бар.
