Корпункт:
Уку елының беренче яртыеллыгында район Ветераннар Советы белән берлектә игълан ителгән “Баш иябез Бөек елларга” акциясе буенча эшчәнлек дәвам итә. 10март көнне Балалар иҗат үзәге базасында, Саба районының белем бирү учрежденияләрдә эшләүче педагог-оештыручылар әлеге акциянең барышы буенча тулырак мәгълүмат туплау максатыннан киңәшмәгә җыелды.
Әлеге акциянең максаты булып, сугыш чоры балалары һәм тыл ветераннарының исемлеген яңарту, аларга багышланган истәлек альбомнарын нәшер итү тора.
Киңәшмәдә Саба районының Ветераннар Советы рәисе Сабиров Расыйх Хасанович та катнашты. Ул әлеге акциянең торышы белән танышып, туплана башлаган материалларны бәяләп, кызыксындырган сорауларга җавап, тәкъдимнәрен бирде.