Озын гомерле әби- бабайлар –авылның горурлыгы ,яшьбуынөчен батырлык һәм сабырлык өлгесе.Сугыш чоры баласы,Мингалимова (Бакирова) Фәүзия Касыйм кызы 1934 елның 15 маенда Кызыл Кеч авылында дүртенче бала булып дөньяга килә.Фәүзия Касыйм кызының да гомер юлы сикәлтәсез,җиңел генә үтми. Бөек Ватан сугышы башланганда Фәүзия Касыйм кызына бары тик 7 яшь кенә була.
1941 елның 13 нояберендә әтиләреКасыйм сугышка китә, әниләре Мәрзия апа кулында 7 бала белән кала.Фәүзия Касыйм кызына балалыкның иң матур чорында ачлыкны,ялангачлыкны күрергә туры килә.Яшьли6 класс белем алган кыз иртә яздан кара көзгә чаклы иптәш кызлары Хәҗәрия,Фәния,Минхаят белән бергәләп Шентала станциясеннәнТүбән Новгород шәһәренә торф эшкэртергә йөри башлый.Торфнышакмаклар рәвешендәге әзер формаларга салып тиешле дәрәҗәгә китереп әзер ягулык чималы итеп ясау аларның төп эше була.Бу шакмакларны паровоз мичләренә ягулык итеп кулланганнар.Аннан кайткач көздән язга чаклы олылар белән беррәттән фермада эшли. Кышкы озын салкын кичләрне дә тик уздырмыйлар алар, сугышчыларга йон оекбаш, бияләй бәйлиләр, сугыштан җиңү белән кайтачак батыр авылдашларын каршы алыр өчен сөлгеләр дә чигеп куялар. Барыннан да бигрәк, сугышка киткән иң якын кешесе әтисен сугыш кырында үлгәненә 3 тапкыр килгән “кара печатле” кайгылы хатның ачысын да татырга туры килә аңа.
Әтиләре Касыйм,дошман явы белән ике арада булган көчле бәрелешләрдән соң, авыр яраланып госпитальгә эләгэ.Шул вакытта аны үлгән диеп белеп туганнарына кара пичәтле хат җибәрәләр.Әмма бәхет кояшы бу гаиләгә дә үзенең шатлыклы нурларын сибә,1945 елның июльаенда әтиләре Туган авылы Түбән Абдулга кайтып керә.
Фәүзия Касыйм кызын 1956 елда Мингалимов Салих абый белән аның дусты эшкэ барган җиреннән урлап алып кайталар. Мингалимов Салих абый белән Фәүзия апа 56 ел бергә гомер итеп 2 кыз 2 ул үстерәләр.Балалары барсыда әтиләре-әниләре кебек уңган –булган, һәрберсенең үз тормышы корылган, илгә – көнгә файдалы эшләрдә эшләп, балалар үстәреп инде алар да, әби – бабайлары горурлыгы булып яшиләр.
Бүгенге көндә 90 яшен тутырган тыйнак,зирәк,акыллы, ак күңелле Фәүзия Касыйм кызының авылдашлары,туганнары, күршеләре алдында абруе зур. Балалары өчен ул кадерле әни,оныклары һәм оныкчыклары өчен хөрмәтле әби. Ничек кенә булмасын бүгенге тормышыннан бик кәнәгать ул.Шулай булмый ни җылы өе,табын тулы сые бар.Таяныр терәге, балалары бу йортта еш кунак,әниләренең хәлен белешеп кенә торалар.
Бүген, 90 яшлек юбилей уңаеннан, музей хезмәткәрләре дә Фәүзия Касыймкызын котларга дип, Түбән Абдул җирлеге башлыгы, ветераннар советы председателе, мәдәният йорты директоры, китапханә җитәкчесе белән берлектә, аның матур – җылы өендә булдылар.Барысы да бер тавыштанФәүзия Касыйм кызына әле бик озак башкаларга үрнәк булып, сәләмәтлек, җан тынычлыгы, иман байлыгы белән, хәерле гомер кичерүен теләделәр.
