Ана күңеле – төпсез кое
Язмыш йөртә шул адәм баласын. Орнашбаш авылында туып–үскән Мәдинә Садриеваның Түбән Атыга килүенә дә әнә 68 ел булган. Урлап алып киткән аны Гарәфи абый. “Димләделәр. Риза булдым. Берәүдән дә сорамадым, утырдым да киттем”, — ди көлеп Мәдинә апа. Үкенми дә. Барлык кешеләргә үрнәк булырлык матур гомер иткәннәр, алты бала тәрбияләп үстергәннәр. Хәзер улы Солтан, килене Гөлсинә белән яши.