Миннибаев Мөхәмәтдин Муллабай улы 1919 елда туган. 1939 елда Кызыл Армия сафларына алына. Ләкин армиядан кайта алмый сугыш башлана һәм Мөхәмәтдин сугышның беренче көннәреннән үк яу кырына эләгә. Сержант дәрәҗәсендә 395 нче Суворов орденлы Кызыл Байраклы Таман укчы дивизиясендә 2 укчылар батальонының 6 ротасында отделение командиры булып хезмәт итә. Сугышчан юлы Төньяк – Кавказ, Кавказ арты һәм I Украина фронтларында уза.
1908 елда туган, 1943 елдан сугышта катнаша. Сугышта күрсәткән батырлыгы, фидакарьлеге өчен 1943 елның 4 ноябрендә Кызыл Йолдыз ордены белән бүләкләнә. Икенче хәрби бүләген Әхмәтбаев 1945 елда ала.
1910 елда туган. Сугышта беренче чирканчыкны 1941 елда ук ала. 1943 елда яралана. Сержант дәрәҗәсендә 1945 елда 16 нчы үзйөрешле артиллерия Суворов орденлы Кызыл Байраклы Перемышльск бригадасында механик йөртүче булып хезмәт итә.
1904 елда туган. Сержант дәрәҗәсендә 185 укчы дивизиянең 1319 укчы полкында пулеметчик була. Берничә тапкыр яралана. Смоленск юнәлешендә барган сугышларда батырлык һәм фидакарьлек үрнәкләре күрсәтә. 1943 елны Харьков шәһәре өчен барган каты сугышларда катнаша. “Бик яхшы пулеметчик” дигән күкрәк билгесе белән билгеләп үтелә. Күрсәткән батырлыклары өчен Сәгыйтов Фәрәх “Батырлык өчен” (“За отвагу”)медале белән бүләкләнә.
Гәрәев Галиәхмәт Галләм улы 1916 елда Сарман районы Каташ-Каран авылында туган. 1936 елда Кызыл Армиягә алына. Ул кайтасы елны сугыш башлана. Пулеметчы Гали абый берничә тапкыр яралана. 1943 елда Сталинградны азат иткәндә күрсәткән батырлыклары өчен 1 дәрәҗә Ватан сугышы ордены белән бүләкләнә.
Кашапов Фәррах 1905 елда туган, Иске Кәшер авылында яшәгән. 1941 елда Смоленск фронтында сугыша, яраланып госпитальгә эләгә. Аннан чыккач, танк десантында, 107 нче танк бригадасында сугыша. Яраланып госпитальгә эләгә. Аннан чыккач 3 ел хәрби заводта эшли.
Маликов Салих Малик улы 1914 елның 15 декабрендә Иске Кәшердә туган. 7 классны тәмамлагач та укытучы булып эшли башлый. Педагогия техникумын бетереп, Минзәләбаш, Салкын Алан мәктәпләрендә эшли. Армия хезмәтеннән кайтып бер ел үтүгә сугыш башлана. 1941 елда сугышка алына. Ул атлы гаскәрдә хезмәт итә. 1943 елда каты яраланып госпитальгә эләгә. Күрсәткән батырлыклары өчен “Кызыл Йолдыз” ордены һәм бик күп медальләр белән бүләкләнә.
Мөхәммәтҗанов Мирсәет Сабит улы 1924 елның 6 апрелендә Сарман районы Илексаз авылында туа. 1942 елда Совет Армиясенә алына. Арзамас хәрби училищесын тәмалый. 3 Украина фронтында рота командиры булып хезмәт итә. 4 тапкыр яралана. Гвардия капитаны Мирсәет Сабитович Җиңү көнен Венгриядә каршылый. 2 дәрәҗә Бөек Ватан сугышы ордены, бик күп медальләр белән бүләкләнә. Сугыштан соң Иске Кәшер урта мәктәбендә мәктәп директоры булып эшли, физика укыта.
Сәетгәрәев Шәмси Сәетгәрәй улы армиядә хезмәт иткәндә сугыш башлана. Мәскәү оборонасында катнаша. 1944 елда “За оборону Москвы”, “За Победу над Германией” медальләре белән бүләкләнгән. 79 яшендә “Мәскәүнең 850 еллыгы истәлегенә” дигән медаль белән бүләкләнә.
Хәсәнов Мөсәяф Хөсәен улы 1942 елда фронтка китә. Мәскәүне азат итүдә катнаша. Катюшасы белән Берлинга барып җитә. Шунда ул бер аягын югалта. Госпитальдә ята. Җиңү көнен дә шунда каршылый. 1946 елның февралендә авылга кайта. Минниса апа белән тормыш корып җибәрә.
