Укучылар янына кунакка сугышта катнашучылар Михаил Ягнов белән Василий Перепеченов, тыл хезмәтчәннәре Иван Устин, Әгъзам Гыйльметдинов, Екатерина Норова, Анастасия Федонина, Әшираф Хәлиуллина, Наҗия Кабачева, Мария Фролова, Мария Марянина, Нина Шурыгина, Галина Шеенкова, Мария Аверина, Валентина Грунковская, Рәисә Усманова һәм Галия Низамиева килгән иде.
Парад киеменнән тигез сафка тезелеп баскан кадетлар ветераннарга үзләренең котлау сүзләрен җиткерделәр, җырлар һәм биюләр башкардылар, хәрби темага шигырьләр сөйләделәр.
Район башлыгы Камил Нугаев ассызыклап үткәнчә, Җиңү көнен фронтта һәм тылда якынайтучылар саны елдан–ел кими. Шуңа күрә без аларның берсен дә онытмаска, ярдәм итәргә тиеш.
Район башлыгы һәм хәрби комиссар Илһам Мидхәтов ветераннарга тантаналы шартларда медальләр һәм чәчәк бәйләмнәре тапшырдылар.
