Мәңгелек саф

"ТОРМЫШ СИКӘЛТӘЛӘРЕ..."

Вәлиша Мөбәрәкшевич 1925 нче елның 28 нче ноябренда Мамадыш районы Түбән Ушмы авылының урта хәлле крестьян гаиләсендә дөньяга килгән.Алар гаиләдә ике кыз ике малай була.Сигез яше тулгач, әтисе белән әнисе аны авыл мәктәбенең беренче классына укырга бирәләр. 1938 нче елны биш класс укыганнан соң, башка иптәшләре белән бергә колхозда эшли башлый.Азрак төрле эшләрдә йөргәннән соң, колхоз председателе аның тырыш һәм намус белән эшләгәнен күреп, ат җигеп эшләргә куша.

.ГАНИЕВ СӨЛӘЙМАН ГАПТЕЛГАНИ УЛЫ. (1931-1996).

Урта Нырты авылында туган һәм җирләнгән. Сугыш елларында “Амур” колхозында эшли. “1941-1945 нче елдагы Бөек Ватан сугышында батыр хезмәте өчен”медале белән бүләкләнә (№ 1379429 от 22.03.1995)

14 ФЕВРАЛЬ КӨННЕ, КАЛМАШ АВЫЛЫНДА ГОМЕР КИЧЕРҮЧЕ РАЙОНДАШЫБЫЗ ТӘГЪЗИМӘ ЗЫЯЗЕТДИН КЫЗЫ НУРТДИНОВА ҮЗЕНЕҢ ОЛУГ ЮБИЛЕЕН – 95 ЯШЕН КАРШЫ АЛДЫ.

Тәгъзимә Нуртдинова тумышы белән Шәбезбаш авылыннан. Үсмер чоры Бөек Ватан сугышы елларына туры килгән күпләр кебек, Тәгъзимә Зыязетдин кызына да авырлыкларны үз җилкәсендә күтәрергә туры килә. Гаиләдә биш бала үсә алар. Туган көн иясенә сигез яшь тулганда, аларга әти-әнисез – ятим кала.

15 ФЕВРАЛЬ КӨННЕ ТЕРПЕЛЕ АВЫЛЫНДА ГОМЕР КИЧЕРҮЧЕ СОЛТАНОВА ЗИНАИДА СОЛТАНГӘРӘЙ КЫЗЫНА 90 ЯШЬ ТУЛДЫ!

15 февраль көнне Терпеле авылында гомер кичерүче Солтанова Зинаида Солтангәрәй кызы 90 яшьлек юбилеен каршылады. Зинаида апа улы, килене тәрбиясендә яши. Аны юбилее белән котларга район Советы рәисе урынбасары Рәйхан Галимҗанова килде. Ул хөрмәтле юбилярга саулык-сәламәтлек, иминлек, күңел күтәренкелеге теләде. Зинаида апага РФ Президенты В. В. Путинның котлау открыткасы һәм Актаныш район башлыгы Э.Н.Фәттаховның истәлекле бүләге тапшырылды.

АБДРАХМАН НАСЫЙБУЛЛЛА УЛЫ НАСЫЙРОВ

“...Иптәш Насыйров Буденный районының Иске Шәйморза урта хәлле крестьян семьясында туган. Туганнары арасында кулак буларак сөргенгә җибәрелүчеләр юк, үзе дә суд тарафыннан хөкем ителмәгән. 1937-1938 елларда Буденный МТСында мастерской мөдире булып эшләгән. 1938-1945 елларда Кызыл Армия сафларында була, ак финнарга каршы һәм Бөек Ватан сугышында рота командиры булып катнаша. Немец илбасарларына каршы сугышларда күрсәткән батырлыклары өчен ике “Кызыл Йолдыз” орденнары, “Ленинград оборонасы өчен”, “Германияне җиңгән өчен” медальләре белән бүләкләнгән”.

АБДРАХМАНОВ ИБРАГИМ АБДРАХМАН УЛЫ

Абдрахманов Ибрагим Абдрахман улы (Габдрахманов Ибрагим Габдрахманович) 1920 нче елның 15-нче маенда Өбрә авылында туа. 1940-нче елны 25-нче сентяберендә Дөбъяз военкоматы аркылы Совет Армиясе сафларына китә. Әрмәнстан ССРның Кировакан шәһәрендә 650-нчы укчы полк 138-нче горный өч тапкыр Кызыл Байраклы укчы дивизиядә 1940-нчы елның 11-нче октябреннән 1941 елның 22 нче июненә кадәр хезмәт итә.

АБДРАХМАНОВ ӘДҺӘМ АБДРАХМАН УЛЫ

Абдрахманов Әдһәм Абдрахман улы – 1924 че елның 25нче маенда Дөбьяз районы (хәзерге Биектау районы) Олы Кавал авылында туа. 1942 нче елның 19 нчы августында Кызыл Армия сафларына алына. 7 нче Свирь Кызыл Байраклы Суворов, Кутузов һәм Александр Невский орденлы гвардия миномет бригадасында артиллерист булып хезмәт итә. Волхов фронтындагы сугышларда, Карелияне, Заполярье, Белоруссия, Польшаны немец – фашист илбасарларыннан азат итүдә катнаша. Сугыштагы батырлыклары өчен Кызыл Йолдыз ордены белән бүләкләнә. Сугышны гвардия ефрейторы дәрәҗәсендә тәмамлый.

АБДРАХМАНОВА ФАЙЗӘ ӘБРАР КЫЗЫ

Татарстан Республикасы Яшел Үзән районы Норлат авылында туа. 7еллык мәктәпне бетергәч, туган авылында эшли башлый. 1943 елдан Норлат район “Ленин юлы” газетасы нәшриятында хәреф җыючы булып, 1944 елдан Үзбәкстан СССР Бохара өлкәсе Тандым район военкоматында хезмәткәр булып эшли. Февраль 1946 елдан ТАССР, Норлат район заготконторасында өлкән бухгалтер булып эшли башлый. Шунда Бөек Ватан сугышы ветераны, Урта Балтай авылы егете Габдрахманов Камил Кәбир улы белән танышып, 1948 елда гаилә корып җибәрәләр һәм Апас районы Урта Балтай авылына кайтып төпләнәләр, 4 бала тәрбияләп үстерәләр.

АБДРАХМАНОВА ХАТИРА ХАБИБУЛЛОВНА

АБДРАХМАНОВА ХАТИРА ХАБИБУЛЛОВНА родилась 15 июля 1931г. в д.Кирби ТатАССР. Моя бабушка Труженик тыла.Когда началась война ей было всего 10 лет.Бабушка не любила рассказывать про годы войны, всегда плакала. За свой труд бабушка имеет несколько наград: медаль «За доблестный труд в Великой Отечественной Войне», медаль «Ветеран труда», несколько юбилейных наград. Я горжусь своей бабушкой. Без таких людей, как моя бабушка, не было бы победы! Умерла 2003г, похоронена в д.Кирби

АБДУЛЛИН ГАБДЕЛФӘРТ АБДУЛЛА УЛЫ

1932нче елның 22нче мартында Сабабаш авылында урманчы Сөнгатуллин Абдулла Сөнгатулла улы һәм урман хуҗалыгы эшчесе Сөнгатуллина Нурлыбанат Мөхәммәтсафа кызы гаиләсендә беренче бала булып дөньяга килә. 1939нчы елда Сабабаш башлангыч мәктәбенә укырга керә. 1943нче елда укуын Килдебәк мәктәбендә дәвам итә, һәм шул мәктәптә җиде классны тәмамлый.