2 нче Белоруссия фронты гаскәрләре, 14 январьда ВАРШАВАДАН төньяктарак НАРЕВ елгасының көнбатыш ярындагы ике плацдармда һөҗүмгә күчеп, көчле артиллерия ударлары ярдәмендә дошманның тирән эшелонлы көчле оборонасын өзәләр. Дүрт көн буена барган сугышларда, немецларның каты каршылыгын җиңеп, ике плацдармнан һөҗүм итүче фронт гаскәрләре кушылалар һәм 40 километрга кадәр алга киттәләр, фронт буйлап 100 километрга кадәр алга киңәйтәләр.…
Әлмәттә 23 гыйнварда 18:00 сәгатьтә «Нефтьче» мәдәният сарае сәхнәсендә Ватанны саклаучылар елына йомгак ясау һәм Россия халыклары бердәмлеге елын рәсми ачу уңаеннан тантаналы чара узачак. Чара илнең героик үткәне һәм аның иҗади киләчәге арасындагы бәйләнешне ассызыклауга юнәлдерелгән. "Ватанны саклаучылар елы хәрбиләргә һәм ветераннарга ярдәм итүгә, шулай ук яшьләрне патриотик тәрбияләүгә юнәлдерелгән проектлар белән тулыланды", – дип билгеләп үттеләр администрациядә.
Гариф Хәнип улы Галимовның тормыш тарихы – язмышы Ватан тарихының төп вакыйгалары белән тыгыз үрелгән кешенең елъязмасы. 1910 елның 15 декабрендә Самара губернасы Бөгелмә өязе Сугышлы авылында (хәзерге Татарстан Республикасы Лениногорск районы) туган ул, яшьтән үк хезмәтнең кыйммәтен һәм туган җиргә тугрылыкны белгән гади крестьян гаиләсендә үсә.
Борискино волонтерларын алгы сызыктагы хәрбиләр «Үрмәкүчләр» исеме астында беләләр. Бер ел эчендә волонтерлар хәрәкәтендә катнашучылар 3×7 метр зурлыктагы 100 маскировка челтәре үреп тапшырырга өлгергәннәр. «Үрмәкүчләр» 105 килограмм сохари, 50 килограммнан артык өй токмачы ясап, җылы оекбашлар бәйләп алгы сызыкка озатканнар. Әлеге игелекле гамәлгә авыл мәктәбе укучылары да актив кушыла. Балалар хатлар язалар, открыткалар ясыйлар, хәрбиләргә ихлас рәхмәт сүзләре юллыйлар.
Камалышта калган Ленинград шәһәрендә беренче кыш шундый була Айның уртача температурасы – 18,7 °C. 1942 елның апрелендә шәһәрдә кар катламы 52 см га җитә. өйләргә җылылык керми, канализация һәм суүткәргеч сүндерелә. Завод-фабрикаларда эш туктатыла. Өйләрдә җылылыкның төп чыганагы «буржуйка»миче була.( интернетның ачык чыганакларыннан алынган) Төзеде: Х.Әхмәтшин исемендәге Елховой авыл тарихы музее
1941 елның 2 августында сугышка алынган.Рядовой.1944елга кадәр 229нчы полкта укчы булып хезмәт итә. 1985 елда II дәрәҗә Ватан сугышы ордены белән бүләкләнгән. “Ярыш” колхозында эшләгән.1996 елда вафат.
1942 елның 22 мартында Исмәгыйл агайны сугышка алганнар. Хәрби өйрәнүләр узганнан соң аны 124 миномет полкына минометчы итеп җибәргәннәр. 1942 елның 17 июненнән алып сугыш тәмамлаганчыга кадәр Исмәгыйл агай бәрелешләрдә катнаша, батырлыклары өчен 1945 елда Кызыл Йолдыз, 1985 елда II дәрәҗә Ватан сугышы ордены белән бүләкләнгән. 1945 елда демобилизацияләнгән. “Ярыш” колхозында умартачы булып эшләгән. 1990 елда вафат.Кызыл йолдыз ордены белән бүләкләнү битеннән:
Гариф Закир улы Галеев 1927 елның 27 апрелендә Татар АССРның Бөгелмә кантоны Абдрахман волосте Миңлебай дигән матур авылында туа. Бүгенге көндә бу җирләр Татарстан Республикасы Әлмәт районына карый. Балалык чорыннан ук, яшьтән үк, Гариф Закир улы туган җиренең рухын үзенә сеңдерде, туган авылында биш сыйныфны тәмамлады.
1907 –1987 1941 елның 23 июнендә сугышка алынган. Икенче тапкыр 1942 елның 12 мартында алынган. 998 укчы полк составында сугышып, шул ук елның маенда яраланган. 1943 елда демобилизацияләнгән. 1985 елда II дәрәҗә Ватан сугышы ордены белән бүләкләнгән.“Ярыш” колхозында эшләгән. 1987 елда вафат.
25.08.1912 – 26.07.2003 1941 елның 23 июнендә сугышка алынган. Ленинград шәһәрендәге бер хастаханәгә санитар булып җибәрелгән, әмма аны анда алмыйлар, һәм шул ук елның июлендә икенче частька җибәрәләр. 1944 елда кайткан. 1985 елда II дәрәҗә Ватан сугышы ордены белән бүләкләнгән.“Ярыш”колхозында эшләгән. 2003 елда вафат булган.
