Минем бабам - Әсән-Елга авылында туган Миннемулла Гарифуллинны районыбызда белмәгән кеше юк иде. Җор телле, аралашучан иде ул, җитәкче урыннарда эшләде. 20 яшендә, 1939 елны фин сугышына алына, шуннан Бөек Ватан сугышына кереп китә. Ике сугыш юлы узган бабам 1944 елда яраланып кайта. Снаряд кыйпылчыгы тигән кулы гомер буе сугыш афәтен исенә төшереп торды. II дәрәҗә Бөек Ватан сугышы ордены һәм күп медальләр белән бүләкләнгән бабам 90 яшенә җитәргә бер ай кала 2009 елны вафат булды.
Ришат ГАРИФУЛЛИН
