Никольск авылында яшәүче Мария Кирюхина 1923 елны туган.
Үз вакытында аңа тимерчелектә эшләргә дә, тракторчы булырга да туры килә. Иртәдән кичкә кадәр басудан кайтып керми, икмәк үстерә. Кечкенәдән эшләп үскәнгә ул бернидән дә куркып тормый, кайда кушсалар, шунда эшли.
Сугыштан соңгы елларда ул Красная Слобода авылы фермасында сыерлар сава. Аның үз баласы булмый, ләкин туганының балаларын тәрбияләп аякка бастыру өчен күп көч куя, шуңа күрә ул хәзер ялгыз түгел.
Район һәм җирлек җитәкчеләре аңа нык сәламәтлек, иминлек, җан тынычлыгы теләделәр.
